អង់គ្លេស៖ បន្ទាប់ពីក្លិប Manchester City ត្រូវទទួលពិន័យមិនឲ្យចូលប្រកួតក្របខណ្ឌ Champions League រយៈពេល២ឆ្នាំ អ្នកចាត់ការទូទៅក្រុមមេឃខៀវ លោក Pep Guardiola បានចេញមកសន្យាចំពោះកូនក្រុមរបស់លោកថា លោកនឹងមិនចាកចេញទៅណាចោលពួកគេនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្លិបជើងឯក Premier League រដូវកាលមុនត្រូវបាន UEFA ថ្កោលទោសមិនឲ្យចូលប្រកួតក្នុងពានរង្វាន់ទ្វីបអឺរ៉ុបទាំងឡាយណាដែលរៀបចំដោយ UEFA រយៈពេល២ឆ្នាំ និងពិន័យជាប្រាក់ ២៥លានផោន ក្រោយរកឃើញថា បានប្រព្រឹត្តិល្មើសនឹងច្បាប់ តុល្យភាពហិរញ្ញវត្ថុ (Financial Fair Play) រវាងឆ្នាំ២០១២ និងឆ្នាំ២០១៦ ។
លើសពីនេះទៅទៀត ខាងសមាគមន៍បាល់ទាត់ប្រទេសអង់គ្លស (FA) ក៏កំពុងបើកការស៊ើបអង្កេតទៅលើករណីខាងលើផងដែរ ប្រសិនបើរកឃើញទោសកំហុសរបស់ Man City មែន នោះក្លិបដែលគ្រប់គ្រងដោយមហាសេដ្ឋីអារ៉ាប់នេះអាចនឹងត្រូវទម្លាក់ទៅលីគលំដាប់ទី៤របស់អង់គ្លេស។
យោងតាមការចុះផ្សាយរបស់កាសែត The Sun គ្រូបង្វឹកសញ្ជាតិអេស្ប៉ាញរូបនេះ បាននិយាយបា្រប់កីឡាកររបស់លោកនៅជំរុំហ្វឹកហាត់ យ៉ាងដូច្នេះថា៖
ទោះបីជាយើត្រូវទៅលេងនៅលីគណាក៏ដោយ ក៏ខ្ញុំនៅទីនេះ។ ហើយបើពួកគេទម្លាក់យើងទៅលេងនៅលីគ League Two ក៏ខ្ញុំនឹងបន្តនៅទីនេះដែរ។ នេះគឺជាពេលវេលា ដែលយើងត្រូវរួបរួមគ្នា នៅជាមួយគ្នា៕
ប្រភព៖ dailymail
Bong I.T