កោងអីកោងយ៉ាងនេះ អ្នកចាំទីបានត្រឹមឈរមើល! Dybala ស៊ុត Free-Kick យ៉ាងល្អជួយ Juventus ឡើងឈរកំពូលតារាង ខណៈ Ronaldo អវត្តមានព្រោះតែ…. (មានវីដេអូ)

អ៊ីតាលី៖ ក្រុមសេះបង្កង់ Juventus រកបាន៣ពិន្ទុពីការប្រកួតសប្ដាហ៍ទី២៤ ក្របខណ្ឌលីគកំពូលអ៊ីតាលី Serie A ក្រោយយកឈ្នះក្រុមភ្ញៀវ Brescia ដោយលទ្ធផល ២ទល់នឹង០ នៅកីឡដ្ឋាន Allianz Stadium។

គ្រាប់ទីមួយរបស់ Juventus រកបានដោយខ្សែប្រយុទ្ធអាហ្សង់ទីន Paulo Dybala ដោយការទាត់បាល់ពិន័យហ្រ្វីឃីគកោងយ៉ាងល្អពីលើដំបូលទូកនៅនាទីទី៣៧ បន្ទាប់ពីកីឡាករ Florian Aye បង្កកំហុសនិងទទួលបានកាតក្រហមក្រោយទទូលបានកាតលឿងពីរដង។ ចំណែកឯគ្រាប់ទីពីរវិញ រកបានដោយកីឡាករ Juan Cuadrado នៅនាទីទី៧៥។

នៅក្នុងការប្រកួតយប់មិញ គេសង្កេតឃើញមិនមានឈ្មោះរបស់កំពូលខ្សែប្រយុទ្ធ Cristiano Ronaldo នោះទេ មិនថាក្នុងជម្រើសដំបូង និងបញ្ជីកីឡាករបម្រុង ដោយអ្នកចាត់ការទូទៅ Juventus លោក Maurizio Sarri ចង់ឲ្យកីឡាកររូបនេះសម្រាក។

លទ្ធផល ៥គូផ្សេងទៀតក្នុងក្របខណ្ឌ Serie A កាលពីយប់មិញមានដូចជា៖

• Udinese 0-0 Verona

• Sampdoria 1-5 Fiorentina

• Sassuolo 0-1 Parma

• Cagliari 0-1 Napoli

• Lazio 2-1 Inter Milan

គួរឲ្យដឹងផងដែរថា ក្រោយឈ្នះការប្រកួតយប់មិញ Juventus បានឡើងមកឈរកំពូលតារាងសារជាថ្មីក្នុងក្របខណ្ឌ Serie A គិតត្រឹមសប្ដាហ៍ទី២៤នេះ ដោយឈ្នះ១៨ ស្មើ៣ និងចាញ់៣ មាន៥៧ពិន្ទុ៕

ចង់ឃើញថា Dybala ទាត់បាល់ Free-Kick កោងបញ្ចូលទីល្អយ៉ាងណានោះ ទៅទស្សនាវីដេអូខាងក្រោមទាំងអស់គ្នា៖