ភ្នំពេញ៖ ប្រិយមិត្តដែលនិយមស្ដាប់បទចម្រៀងនិពន្ធថ្មី (Original Song) ប្រាកដជាបានស្គាល់រួចមកហើយអំពី តារាម្រៀងវ័យក្មេង ថៃ អតិជាតិបុត្រ ដែលមានអាយុតិចទេ តែអាចបកស្រាយបទចម្រៀងបានយ៉ាងពីរោះ និងមានរូបសម្រស់ស្រស់សង្ហាតាំងពីក្មេង ហើយក៏ទទួលបានការគាំទ្រច្រើនពីបណ្ដាយុវវ័យតាមរយៈបទ «គ្រាស្នេហ៏»ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សម្យ៉ាងវិញទៀត ក្រៅពីទទួលបានការគាំទ្រខាងផ្នែកចម្រៀងផងដែរនោះ កន្លងមក ក៏មានព័ត៌មានក្នុងស្រុកជាច្រើនបានចុះផ្សាយអំពីទំនាក់ទំនងស្នេហ៍ខុសវ័យរវាង ថៃ អតិជាតិបុត្រ ជាមួយនិង តារាសម្ដែង កញ្ញា ដួងម៉ានិច្ច ដែលល្បីថាពួកគេគឺជាគូស្នេហ៏នឹងគ្នា ប៉ុន្តែពួកគេទាំងពីរក៏បានបញ្ជាក់ដែរថា គ្រាន់តែស្រលាញ់រាប់អានគ្នាក្នុងវិស័យសិល្បៈដូចគ្នាប៉ុណ្ណោះ។
បើនិយាយពី ថៃ អតិជាតិបុត្រ សព្វថ្ងៃ ហាក់មមាញឹកនឹងការច្រៀងតាមការប្រគំតន្រ្តីតាមទូរទស្សន៍នានា ថតស្ប៉តពាណិជ្ជកម្មផ្សេងៗផងដែរ ហើយអ្វីដែលពិសេសនោះកាលពីពេលថ្មីៗនេះ ឃើញថាបុត្រគាត់កាន់តែពេញរូបពេញរាង សង្ហាប្លែកជាងមុន មើលមួយភ្លែតអាចច្រឡំស្មានថាតារាកូរ៉េទៀតផង។ ជាមួយគ្នានេះដែរ ហ្វេនៗនារីៗ ច្បាស់ជាមានអ្នកលួចស្រលាញ់ បុត្រមិនស្ទើរទេ ពេលឃើញ បុត្រកាន់តែពេញកម្លោះ និងកាន់តែសង្ហាបែបនេះ៕
មើលរូបភាពខាងក្រោម៖