ហ្វេនLiverpool បិទមាត់មិនជិត! រួមទាំងឈ្នះយប់មិញផង Liverpool​ បន្តឈ្នះ៤៣​ប្រកួត មិនចាញ់សោះ

Liverpool បានយកឈ្នះ Norwich City ដោយលទ្ធផល ១-០ បន្ទាប់ពី Mane បានប្តូរចូល និងរកបានមួយគ្រាប់ ដែលជាគ្រាប់ជ័យជន្នះតែម្តង។

រួមទាំងឈ្នះយប់មិញ Liverpool លេងមិនចាញ់សោះ ៤៣ប្រកួត ដែលជាស្ថិតិរយៈពេលវែងបំផុតទី២ នៅ Premier League ខណៈមានតែ Arsenal ដែលគ្រងស្ថិតិវែងជាងគេចំនួន ៤៩ប្រកួត កាលពីរដូវកាលមាសរបស់ខ្លួន ២០០៣-២០០៤។

ខាងក្រោមនេះ ជាក្លឹបចំនួន ៥ ដែលមានស្ថិតិលេងមិនចាញ់យូរជាងគេ ក្នុងប្រវត្តិសាស្ត្របាល់ទាត់ Premier League៖

៥-Manchester United ចំនួន ២៩ប្រកួត (២លើក) លើកទី១ ពីថ្ងៃទី២៦ ខែធ្នូ ឆ្នាំ១៩៩៨ ដល់ថ្ងៃទី២៥ ខែកញ្ញា ឆ្នាំ១៩៩៩ និងលើកទី២ ពីថ្ងៃទី១១ ខែមេសា ឆ្នាំ២០១០ ដល់ថ្ងៃទី៥ ខែកុម្ភៈ ឆ្នាំ២០១១។

៤-Manchester City ចំនួន ៣០ប្រកួត ពីថ្ងៃទី៨ ខែមេសា ឆ្នាំ២០១៧ ដល់ថ្ងៃទី២ ខែមករា ឆ្នាំ២០១៨។

៣-Chelsea ចំនួន ៤០ប្រកួត ពីថ្ងៃទី១៦ ខែតុលា ឆ្នាំ២០០៤ ដល់ថ្ងៃទី៦ ខែវិច្ឆិកា ឆ្នាំ២០០៥។

២-Liverpool ចំនួន ៤៣ប្រកួត ពីថ្ងៃទី១២ ខែមករា ឆ្នាំ២០១៩ ដល់បច្ចុប្បន្ន។ 

១-Arsenal ចំនួន ៤៩ប្រកួត ពីថ្ងៃទី៧ ខែឧសភា ឆ្នាំ២០០៣ ដល់ថ្ងៃទី២៤ ខែតុលា ឆ្នាំ២០០៤។

តើ Liverpool អាចវ៉ាកំណត់ត្រាស្ថិតិនេះពី Arsenal បានដែរឬទេ ខណៈ Liverpool ត្រូវការឈ្នះតែ ៧ប្រកួតទៀតប៉ុណ្ណោះ៕