ក្រសួងសុខាភិបាលភ្លាមៗបានចេញសេចក្តីប្រកាសមួយ ក្រោយករណីអាជ្ញាធរម៉ាឡេស៊ី រកឃើញស្រ្តីជនជាតិអាមេរិកាំងម្នាក់ផ្ទុកមេរោគ Covid-19 ក្រោយចាកចេញពីនាវា WESTERDAM ដែលចូលសំចតនៅកម្ពុជា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សករណីនេះក្រសួងសុខាភិបាលកម្ពុជា បានស្នើសុំឲ្យអាជ្ញាធរម៉ាឡេស៊ី ពិនិត្យឡើងវិញអំពីលទ្ធផលនៃការធ្វើតេស្តនេះឲ្យមានភាពសុក្រឹតឡើងវិញ។
សេចក្តីប្រកាសរបស់ក្រសួងសុខាភិបាលបានបញ្ជាក់ថា ករណីនេះមុនការចាកចេញរបស់បុគ្គលខាងលើ ក៏ដូចជាអ្នកទេសចរដទៃទៀតពីនាវាខ្នាតធំ WESTERDAM ក្រសួងសុខាភិបាល បានពិនិត្យយ៉ាងល្អិតល្អន់ និងបានធ្វើការជាមួយអង្គការសុខភាពពិភពលោក ព្រមទាំងអង្គការ USCDC របស់អាមេរិក ហើយខ្លួនថែមទាំងបានអនុវត្តតាមស្តង់ដារបច្ចេកទេស និងនិយ័តកម្មសុខភាពអន្តរជាតិឆ្នាំ២០០៥ (HR2005) របស់អង្គការសុខភាពពិភពលោកទៀតផង។
ក្នុងលិខិតដដែលបន្ថែមថា ចំពោះករណីដែលបានប្រកាសដោយអាជ្ញាធរម៉ាឡេស៊ី នូវភាពវិជ្ជមាន Covid-19 នៅប្រទេសម៉ាឡេស៊ីខាងលើនេះ ក្រសួងសុខាភិបាលកម្ពុជាស្នើសុំឲ្យអាជ្ញាធរម៉ាឡេស៊ី ពិនិត្យឡើងវិញ អំពីលទ្ធផលនៃការធ្វើតេស្តនេះឲ្យមានភាពសុក្រឹតឡើងវិញ។
សូមបញ្ជាក់ថា កាលពីយប់ថ្ងៃទី១៥កុម្ភៈកន្លងទៅ មានសារព័ត៌មានអន្តរជាតិមួយចំនួនបានចុះផ្សាយព្រោងព្រាតថា ម៉ាឡេស៊ីកាលពីថ្ងៃសៅរ៍នេះបានពិនិត្យឃើញថា អ្នកដំណើរអាមេរិកាំងអាយុ ៨៣ឆ្នាំម្នាក់ នៅលើនាវាទេសចរណ៍មួយដែលបានចូលចតនៅកម្ពុជាត្រូវបានតេស្តឃើញថាមានវីរុសកូរូណា Covid-19។ បើទោះជាបែបនេះក្តី អាជ្ញាធរកម្ពុជាបានស្នើឲ្យពិនិត្យឡើងវិញអំពីលទ្ធផលនៃការធ្វើតេស្តនោះ។
ខាងក្រោមជាសេចក្តីប្រកាសផ្លូវការរបស់ក្រសួងសុខាភិបាល៖