អង់គ្លេស៖ ហង្សក្រហម Liverpool បានបន្តភាពមិនដែលចាញ់របស់ខ្លួននៅរដូវកាលនេះ ក្នុងក្របខណ្ឌ Premier League គិតត្រឹមសប្ដាហ៍ទី២៦ ក្រោយយកឈ្នះក្រុមម្ចាស់ផ្ទះ Norwich City ដោយលទ្ធផល ០ទល់នឹង១។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគ្រាប់បាល់តែមួយគត់នៅក្នុងការប្រកួតរវាង Norwich និង Liverpool កាលពីយប់មិញ កើតឡើងនៅនាទីទី៧៨ ដោយការស៊ុតមុំតូចយ៉ាងល្អរបស់ខ្សែប្រយុទ្ធ Sadio Mane ក្រោយទទួលបាល់បញ្ជូនពីមិត្តរួមក្រុម Henderson។
នៅក្នុងការប្រកួតនោះក្រុមរបស់លោក Klopp ហាក់មានឱកាសសម្រុកច្រើន ដោយគ្រប់គ្រងបាល់បានដល់ទៅ ៦៤% និងស៊ុត៩លើក ចំគោលដៅ៥លើក និងខុសគោលដៅ៤លើក ខណៈម្ចាស់ផ្ទះ Norwich បង្កើតឱកាសស៊ុតបានត្រឹមតែ៣លើកប៉ុណ្ណោះ ដោយចំគោលដៅ១លើក និងខុសគោលដៅ២លើក។
គួរឲ្យដឹងផងដែរថា ក្រោយរកបាន៣ពិន្ទុពីការប្រកួតនោះ Liverpool បន្តឈរនៅកំពូលតារាងដដែល ដោយមាន៧៦ពិន្ទុនៅក្នុងដៃ ដាច់ដល់ទៅ២៥ពិន្ទុពីក្រុមលេខ២ Manchester City ដែលមានត្រឹម៥១ពិន្ទុប៉ុណ្ណោះ។
ចង់ឃើញថា មួយគ្រាប់របស់ Mane ជួយ Liverpool បន្តភាពមិនទាន់ចាញ់ ២៦ប្រកួតយ៉ាងណានោះ ទៅទស្សនាវីដេអូខាងក្រោមទាំងអស់គ្នា៖