ស្ត្រីអាយុ ៨៣ ឆ្នាំបានជិះយន្តហោះទៅកាន់ប្រទេសម៉ាឡេស៊ីជាមួយអ្នកដំណើរ ១៤៤ នាក់ផ្សេងទៀត បន្ទាប់ពីបានចុះចតពីកប៉ាល់មួយក្នុងប្រទេសកម្ពុជា ហើយត្រូវគេរកឃើញថា មានផ្ទុកវីរុស Covid-19។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនាវា Westerdam បានជាប់គាំងនៅលើសមុទ្រអស់រយៈពេលពីរសប្តាហ៍ បន្ទាប់ពីត្រូវបានបដិសេធមិនឲ្យចូលចតដោយកោះ និងប្រទេសចំនួន ៥។មូលហេតុនៃការបដិសេធគឺដោយសារ ភ័យខ្លាចឆ្លងCovid-19។ យ៉ាងណាក្រោយមកកម្ពុជាបានអនុញ្ញាតឱ្យចូលចត។
ក្រសួងសុខាភិបាលម៉ាឡេស៊ីបាននិយាយកាលពីថ្ងៃសៅរ៍ថា ពលរដ្ឋអាមេរិកម្នាក់ដែលធ្វើដំណើរដោយនាវាទេសចរណ៍ MS Westerdam បានមកដល់ប្រទេសម៉ាឡេស៊ី បន្ទាប់ពីបានចាកចេញពីកម្ពុជានោះ ត្រូវបានគេធ្វើតេស្តរកឃើញវិជ្ជមានចំពោះវីរុសCovid-19 ប្រភេទថ្មីនេះ។
ក្រសួងសុខាភិបាលម៉ាឡេស៊ីបាននិយាយថាស្ត្រីជនជាតិអាមេរិកអាយុ ៨៣ ឆ្នាំបានធ្វើដំណើរទៅកាន់ម៉ាឡេស៊ីកាលពីថ្ងៃសុក្រដោយចាកចេញពីប្រទេសកម្ពុជាជាមួយអ្នកដំណើរ ១៤៤ នាក់ផ្សេងទៀតដែលចេញពីកប៉ាល់។
គួររំឭកថា កាប៉ាល់ MS Westerdam ដែលមានអ្នកដំណើរចំនួន ១,៤៥៥ នាក់ និងនាវិក ៨០២ នាក់ បានជាប់គាំងនៅលើសមុទ្រអស់រយៈពេល ២ សប្តាហ៍បន្ទាប់ពីត្រូវបានបដិសេធដោយប្រទេសចំនួន ៥ គឺហ្វីលីពីន តៃវ៉ាន់ ជប៉ុន កូរ៉េខាងត្បូង និងថៃ។
នាវាបានទៅដល់ចំណុចកំពង់ផែក្រុងព្រះសីហនុកាលពីព្រឹកថ្ងៃព្រហស្បតិ៍ ដើម្បីឱ្យមន្រ្តីកម្ពុជាអាចពិនិត្យកំហាកពីអ្នកដំណើរដែលមានរោគសញ្ញាសុខភាពមិនល្អ ឬរោគសញ្ញាដូចជាជម្ងឺផ្តាសាយ។
អ្នកដំណើរត្រូវបានពិនិត្យជាប្រចាំនៅលើយន្តហោះ ហើយកម្ពុជាក៏បានពិនិត្យអ្នកដំណើរចំនួន ២០ នាក់ផងដែរនៅពេលដែលនាវាចូលចតកាលពីថ្ងៃព្រហស្បតិ៍។ អាជ្ញាធរកម្ពុជាបាននិយាយថាគំរូកំហាកទាំងអស់ដែលត្រូវបានពិនិត្យបានរកឃើញថាភាពអវិជ្ជមានចំពោះវីរុសនេះ។
ជាការកត់សម្គាល់ ក្រសួងសុខាភិបាលភ្លាមៗបានចេញសេចក្តីប្រកាសមួយ ក្រោយករណីអាជ្ញាធរម៉ាឡេស៊ី រកឃើញស្រ្តីជនជាតិអាមេរិកាំងម្នាក់ផ្ទុកមេរោគ Covid-19 ក្រោយចាកចេញពីនាវា WESTERDAM ដែលចូលសំចតនៅកម្ពុជា។ ករណីនេះក្រសួងសុខាភិបាលកម្ពុជា បានស្នើសុំឲ្យអាជ្ញាធរម៉ាឡេស៊ី ពិនិត្យឡើងវិញអំពីលទ្ធផលនៃការធ្វើតេស្តនេះឲ្យមានភាពសុក្រឹតឡើងវិញ។
សេចក្តីប្រកាសរបស់ក្រសួងសុខាភិបាលបានបញ្ជាក់ថា ករណីនេះមុនការចាកចេញរបស់បុគ្គលខាងលើ ក៏ដូចជាអ្នកទេសចរដទៃទៀតពីនាវាខ្នាតធំ WESTERDAM ក្រសួងសុខាភិបាល បានពិនិត្យយ៉ាងល្អិតល្អន់ និងបានធ្វើការជាមួយអង្គការសុខភាពពិភពលោក ព្រមទាំងអង្គការ USCDC របស់អាមេរិក ហើយខ្លួនថែមទាំងបានអនុវត្តតាមស្តង់ដារបច្ចេកទេស និងនិយ័តកម្មសុខភាពអន្តរជាតិឆ្នាំ២០០៥ (HR2005) របស់អង្គការសុខភាពពិភពលោកទៀតផង៕