ភ្នំពេញ៖ មជ្ឈមណ្ឌលលក់សម្ភារៈអេឡិចត្រូនិចទំនើប អេស ខេ អេស ដែលមានទីតាំងនៅលើផ្លូវ២០០៤ ក្បែរស្តុបណូគៀរ ចាប់ផ្ដើមបើកលក់ជាផ្លូវការចាប់ពីថ្ងៃទី១៤ ខែកុម្ភៈ ឆ្នាំ២០២០ នេះតទៅ ដោយមាននៅផលិតផលអេឡិចត្រូនិចទំនើបៗដូចជា ទូរទស្សន៍ឆ្លាតវៃជំនាន់ថ្មី គ្រឿងបរិក្ខាប្រើប្រាស់នៅក្នុងផ្ទះ ទូរទឹកកក ទូរបោកសម្លៀកបំពាក់ និងសម្ភារៈផ្ទះបាយជាច្រើនមុខផ្សេងទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក ឡាក់ ឧសភាណ ប្រធានគ្រប់គ្រងក្រុមហ៊ុន អេស ខេ អេស បានបង្ហាញចំណាប់អារម្មណ៍នៅក្នុងពិធីសម្ពោធថា ដោយឃើញនៅសន្ទុះនៃការរីកចម្រើនគ្រប់វិស័យ ជាពិសេសផ្នែកបច្ចេកវិទ្យាអេឡិចត្រូនិច ធ្វើឱ្យមានការពេញនិយមខ្លាំងសម្រាប់ការប្រើប្រាស់ឧបករណ៍អេឡិចត្រូនិចរបស់ប្រជាជនកម្ពុជា ហើយឧបករណ៍វៃឆ្លាតទាំងនោះក៏បានជួយសម្រួលដល់ការរស់នៅក្នុងគ្រួសារឱ្យកាន់តែមានភាពងាយស្រួល និងស៊ីវិល័យ ប្រកបដោយផាសុកភាព សុវត្ថិភាព និងជួយសន្សំសំចៃ។
គោលដៅអាជីវកម្មរបស់ អេស ខេ អេស គឺនាំយកមកនៅផលិតផលអេឡិចត្រូនិចទំនើប ដែលមានគុណភាព សុវត្ថិភាព និងការយកចិត្តទុកដាក់ខ្ពស់ក្នុងការផ្ដល់សេវាកម្មជូនអតិថិជនជាចម្បងផងដែរ។
បន្ថែមទៅទៀតនេះ តាំងនាមខ្ញុំជាតំណាងក្រុមហ៊ុន អេស ខេ អេស អេឡិចត្រូនិច ក៏សូមអរគុណទៅដល់ដៃគូអាជីវកម្ម តំណាងក្រុមហ៊ុនជាតិ និងអន្តរជាតិ ដែលជានិច្ចកាលតែងតែផ្ដល់នៅសេចក្ដីទុកចិត្ត និងបន្តបង្កើនកិច្ចសហការរួមគ្នាដើម្បីបម្រើដល់សេចក្ដីត្រូវការរបស់ប្រជាជនកម្ពុជា នៅចំពេលដែលប្រទេសកម្ពុជាកំពុងវិវឌ្ឍន៍ និងមានភាពរីកចំរើនលើគ្រប់វិស័យ។
ជាចុងក្រោយលោកក៏បានជូនពរ និងអរគុណទៅដល់ភ្ញៀវកិត្តិយសទាំងអស់ និងសូមអញ្ចើញភ្ញៀវកិត្តិយសទាំងអស់ចូលរួមទស្សនានៅការដាក់តាំងបង្ហាញនូវផលិតផលក្នុងបរិយាកាសដ៏រីករាយដូចតទៅ។
កម្មវិធីសម្ពោធបានប្រារព្ធឡើងយ៉ាងសោមនស្សរីករាយ ដោយមានការចូលរួមពីសំណាក់ភ្ញៀវកិត្តិយស និងអតិថិជនជាច្រើនកុះករ អមដោយរបាំជូនពរ និងការសម្ដែងម៉ុងសាយ ហើយមានការដាក់បង្ហាញជាមួយនឹងកម្មវិធីបញ្ចុះតម្លៃពិសេស និងមានការថែមជូនជាកាដូរសម្រាប់រាល់ការទិញនៅផលិតផលពីមជ្ឈមណ្ឌលផ្ទាល់ផងដែរ ហើយកម្មវិធីបញ្ចុះតម្លៃមានរហូតដល់ចុងខែកុម្ភៈនេះផងដែរ។ កម្មវិធីបានបញ្ចប់ទៅដោយសេចក្តីរីករាយជាមួយស្នាមញញឹម ដោយគ្រប់គ្នា ទទួលបានបទពិសោធន៍ថ្មីមួយជាមួយនឹងផលិតផលប្រើប្រាស់ទំនើបរបស់មជ្ឈមណ្ឌល ហើយមជ្ឈមណ្ឌលសន្យានឹងនាំយកនូវបច្ចេកវិទ្យាថ្មីៗចុងក្រោយ ដើម្បីបម្រើនូវសេចក្តីត្រូវការរបស់ប្រជាជនកម្ពុជាឱ្យស្របតាមសម័យកាលដែលកំពុងអភិវឌ្ឍន៍៕
Bong I.T