អ្នកណាទៅ? លេងជាមួយ Messi ច្រើនឆ្នាំ ពេលនេះ កីឡាករឆ្នើម Barca រូបនេះចង់លេងជាមួយ Ronaldo វិញម្ដង

//s5.kh1.co/26/26e8a11dd881ffffeffc9edc720967464b196fdc.jpg
កីទ្បា

 ១៤-កុម្ភៈ-២០២០ ៤ល្ងាច · ៤ ឆ្នាំមុន

Rakitic ចង់លេងជាមួយ Ronaldo

អឺរ៉ុប៖ ខ្សែបម្រើរបស់ Barcelona កីឡាករ Ivan Rakitic បានសារភាពថាគេចង់លេងជាមួយកំពូលខ្សែប្រយុទ្ធរបស់ Juventus កីឡាករ Cristiano Ronaldo ស្របពេលដែលអនាគតរបស់គេនៅកីឡដ្ឋាន Camp Nou កំពុងស្ថិតនៅក្នុងភាពស្រពិចស្រពិល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កីឡាករ Ivan Rakitic
កីឡាករ Ivan Rakitic

ខ្សែបម្រើជម្រើសជាតិក្រូអាតត្រូវបានក្លិបយក្សនៅអ៊ីតាលីពីរគឺ Juventus និង Inter Milan បានដាក់ការចាប់អារម្មណ៍តាំងពីមុនទីផ្សារដោះដូរកីឡាករខែមករាបិទ ខណៈដែលបិសាចក្រហម Manchester United ក៏ជាបេក្ខភាពមួយដែលចង់បាន Rakitic និងគេដែរ។

មកទល់នឹងពេលនេះ Rakitic នៅតែបន្តព៏័ត៌មានថាអាចផ្លាស់ទៅក្លិបជើងឯកអ៊ីតាលី Juventus ហើយនៅពេលដែលសួរថាចង់លេងជាមួយ Ronaldo ដែរឬអត់ កីឡាករវ័យ៣១ឆ្នាំ Rakitic បានឆ្លើយថា៖

ពិតណាស់គឺខ្ញុំចង់។ គាត់ (Ronaldo) គឺជាកីឡាករមួយរូបដែលល្អបំផុតនៅក្នុងប្រវត្តិសាស្រ្ត។ អ្នកទាំងអស់គ្នាតែងតែតាមដានគាត់ ហើយគាត់ធ្វើបានយ៉ាងល្អជាមួយ Juventus។

Ivan Rakitic
កីឡាករ Cristiano Ronaldo
កីឡាករ Cristiano Ronaldo

យ៉ាងណាមិញ Rakitic ក៏បានសរសើរទៅដល់មិត្តរួមក្រុមរបស់គេ កីឡាករ Lionel Messi ផងដែរ ដោយគេបាននិយាយថា៖

វាគឺជារឿងដ៏អស្ចារ្យដែលបានលេងជាមួយគាត់ (Messi) គាត់ពិតជាពិសេស។ មានកីឡាករល្អជាច្រើននៅក្នុងបាល់ទាត់ ប៉ុន្តែខ្ញុំច្បាស់ថាគាត់គឺជាកីឡាករឆ្នើមបំផុតក្នុងរយៈពេល ១៥ឆ្នាំចុងក្រោយនេះ។

Ivan Rakitic
កីឡាករ Ivan Rakitic និង Lionel Messi
កីឡាករ Ivan Rakitic និង Lionel Messi

គួរបញ្ជាក់ឡើងវិញដែរថា Rakitic បានផ្លាស់ពី Sevilla មកចូលរួមជាមួយក្លិបអ្នកមានបុណ្យ Barcelona កាលពីឆ្នាំ២០១៤ ក្នុងតម្លៃខ្លួន ១៨លានអឺរ៉ូ។ ប៉ុន្តែនៅមួយរយៈចុងក្រោយនេះ ដំណឹងនៃការចាកចេញរបស់គេលេចឭជាបន្តបន្ទាប់ ក្រោយមិនសូវមានឱកាសបង្ហាញសមត្ថភាពនៅលើទីលាន៕

ប្រភពGOAL

Tum sokrith
ទុំ​ សុក្រិត

អត្ថបទទាក់ទង

//s9.kh1.co/f5/f5fc5bb0c90dd856539266657aca63fe99cacb3d.jpg

ផ្ទុះការភ្ញាក់ផ្អើលខ្លាំងរឿងតម្លៃខ្លួនផេតដាំ និងឈូចារើន មកវា..យនៅកម្ពុជាបានខ្ទង់ម៉ឺនដុល្លារ ចុះមានដឹងអត់នៅស្រុកថៃវិញអ្នកទាំងពីរបានតម្លៃខ្លួនប៉ុន្មាន

 ២៨-មីនា-២០២៤ 
 ៥ល្ងាច · ១៦ ម៉ោងមុន
រក្សាសិទ្ធិ Mediaload
Powered by Bong I.T Bong I.T