បរទេស៖ ​ស្របពេលដែលវីរុសកូរ៉ូណាចេះតែបន្តរាតត្បាតកាន់តែខ្លាំងឡើងៗ ពេលនេះអង្គការសុខភាពពិភពលោក (WHO) បាន​ចេញនូវវិធីសាស្ត្រការពារជាមូលដ្ឋានដល់សាធារណជនទាំងអស់ ដើម្បីអាចប្រឆាំងនឹងវីរុសដ៏កាចសាហាវកូរ៉ូណា​។

ត្រូវមានអនាម័យជានិច្ច ដើម្បីការពារវីរុសកូរ៉ូណា

១. ត្រូវលាងដៃឱ្យបានញឹកញាប់ជាមួយ​នឹងសាប៊ូ ឬទឹកសម្លាប់មេរោគប្រសិនបើដៃរបស់អ្នកមិនស្អាត​ ធ្វើបែបនេះវានឹងអាចជួយសម្លាប់មេរោគដែលមាននៅលើដៃរបស់អ្នកបាន​។

 ត្រូវលាងដៃឱ្យបានញឹកញាប់ជាមួយ​នឹងសាប៊ូ ឬទឹកសម្លាប់មេរោគ

២. ត្រូវ​ប្រើប្រាស់កន្សែងឬក្រដាសជូតមាត់នៅពេល​ដែលអ្នកក្អក​ឬកណ្តាស់​ បន្ទាប់មកត្រូវបោះចោល​កន្សែងឬក្រដាសជូតមាត់ទាំងនោះចូល​ទៅក្នុងធុងសំរាម​ភ្លាមៗ ហើយត្រូវលាងដៃឱ្យបានស្អាតជាមួយ​ទឹកសម្លាប់មេរោគ​ឬសាប៊ូ។

 ត្រូវ​ប្រើប្រាស់កន្សែងឬក្រដាសជូតមាត់នៅពេល​ដែលអ្នកក្អក​ឬកណ្តាស់

៣. សូមពាក់ម៉ាស​ជាប្រចាំ ហើយត្រូវឈរ​ឱ្យឆ្ងាយ​យ៉ាងហោចណាស់មួយម៉ែត្រ ពី​អ្នកដែលកំពុង ក្អក ​កណ្តាស់ ឬ​កំពុងមានជំងឺផ្តាសសាយ ​ប្រសិនបើអ្នកឈរនៅជិតអ្នកជំងឺពេក អ្នកប្រាកដជាឆ្លងមេរោគទាំងនោះជាមិនខាន។

ត្រូវឈរ​ឱ្យឆ្ងាយ​យ៉ាងហោចមួយម៉ែត្រពី​អ្នកដែលកំពុង ក្អក ​កណ្តាស់

៤. ជៀសវាងការប៉ះពាល់ជាមួយអ្នកដែលកំពុងមានជំងឺរួមមាន ភ្នែក ច្រមុះ ឬមាត់​ ​ព្រោះ​មេរោគទាំងនោះអាចឆ្លងតាមរយៈដៃរបស់អ្នក។

ជៀសវាងការប៉ះពាល់ជាមួយអ្នកដែលកំពុងមានជំងឺរួមមាន ភ្នែក ច្រមុះ ឬមាត់

៥. សូម​ផ្តល់ព័ត៌មានទៅ​ក្រុមគ្រូពេទ្យ​ ប្រសិនបើអ្នកបានធ្វើដំណើរទៅតំបន់ណាមួយក្នុងប្រទេសចិន ដែលជាកន្លែង​កំពុងមានការផ្ទុះឡើងនៃវីរុសកូរ៉ូណា ឬប្រសិនបើអ្នកមានទំនាក់ទំនងជិតស្និទ្ធជាមួយនរណាម្នាក់ ដែលបានធ្វើដំណើរទៅប្រទេសចិន​នាពេលថ្មីៗនេះ។

សូម​ផ្តល់ព័ត៌មានទៅ​ក្រុមគ្រូពេទ្យ​ ប្រសិនបើអ្នកបានធ្វើដំណើរទៅតំបន់ណាមួយក្នុងប្រទេសចិន

​៦. ​បើអ្នកមានសង្ស័យថារោគសញ្ញាស្រដៀងទៅនិង​វីរុសកូរ៉ូណា​ ​ប៉ុន្តែអ្នកមិនបាន​ធ្វើដំណើរទៅ​តំបន់ណាមួយក្នុងប្រទេសចិនទេនោះ សូម​អនុវិធីសាស្ត្រ​អនាម័យដោយការលាងដៃ​​ជាមួយសាប៊ូជាប្រចាំ ហើយបើសិនជាអាច សូមនៅផ្ទះសម្រាកព្យាបាល​រហូតដល់អ្នកមានអារម្មណ៍ថាបានជាសះស្បើយ។

៧. សូម​រក្សាអនាម័យ​ឱ្យបានជាប់ជានិច្ចនៅពេលអ្នកធ្វើដំណើរទៅទីផ្សារដែលមានលក់សត្វព្រៃ ឬផលិតផលសាច់សត្វផ្សេងៗ​ទៀត។ ហាមដាច់ខាតប៉ះពាល់ជាមួយ​សត្វនៅក្នុងទីផ្សារ ដូចជា ឆ្មា​ ឆ្កែ​​ សត្វបក្សី​ កណ្តុរ ឬសត្វប្រចៀវជាដើម។

សូម​រក្សាអនាម័យ​ឱ្យបានជាប់ជានិច្ចនៅពេលអ្នកធ្វើដំណើរទៅទីផ្សារ

៨. ត្រូវចៀសវាងការបរិភោគ​សាច់ឆៅ ឬសាច់ដែលមិនទាន់​ឆ្អិនល្អ ព្រោះសាច់ទាំងនោះនៅមានផ្ទុកមេរោគនៅឡើយ​៕

វាងការបរិភោគ​សាច់ឆៅ ឬសាច់មិនទាន់ឆ្អិនល្អ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ