មានវិធីសាស្ត្រជាច្រើនដែលម៉ាក់ប៉ាប្រើក្នុងការចិញ្ចឹមបីបាច់កូន ដើម្បីឲ្យគេមានចំណេះដឹង ក្លាយជាមនុស្សល្អនៅក្នុងសង្គម។ ទោះជាយើងប្រើវិធីសាស្ត្រណាក៏ដោយ ក៏យើងត្រូវដើរតាមចំណុចខាងក្រោមនេះដែរ នោះទើបក្លាយជាឪពុកម្តាយដ៏អស្ចារ្យសម្រាប់កូន នេះតាមការលើកឡើងរបស់លោកស្រី សរ ម៉ុន្ថា នាយិកាសាលាអប់រំកុមារតូច ស៊ីជីដា កម្ពុជា នៅក្នុងសិក្ខាសាលាស្តីពី “វិធីសាស្ត្រដើម្បីក្លាយជាមាតាបិតាដ៏អស្ចារ្យ” រៀបចំដោយ Peng Huoth Group។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. ស្រលាញ់កូនដោយគ្មានលក្ខខណ្ឌ
នាមជាឪពុកម្តាយយើងត្រូវស្រលាញ់កូនឲ្យបានស្មើៗគ្នាដោយគ្មានលក្ខខណ្ឌអ្វីទាំងអស់។ទ្រព្យសម្បត្តិជារបស់ក្រៅខ្លួនទេ ការយកបេះដូងទៅឲ្យកូន តាមរយៈការផ្តល់ក្តីស្រលាញ់ឲ្យកូន ដូចជាឱប ថើប ចំណាយពេលវេលាផ្សេងជាមួយកូន នោះកូនយើងនឹងមានភាពកក់ក្តៅ មានអារម្មណ៍ល្អ ស្រលាញ់យើងកាន់តែខ្លាំងឡើង។
២. លើកសរសើរកូន
ក្មេងត្រូវការក្តីស្រលាញ់ កម្លាំងចិត្ត ដូច្នេះក្នុងនាមជាឪពុកម្តាយ ត្រូវលើកសរសើរកូនគ្រប់ពេល ជាពិសេសនៅពេលដែលកូនយើងធ្វើកិច្ចការអ្វីមួយ ទោះជាបានលទ្ធផលល្អ ឬមិនល្អក៏ដោយ។ ការលើកសរសើរជាកម្លាំងមួយជំរុញឲ្យកូនធ្វើអ្វីមួយដោយគ្មានរួញរា ហើយគេនឹងព្យាយាមធ្វើឲ្យបានល្អនៅពេលក្រោយ។
៣. ព្រមទទួលគ្រប់យ៉ាងពីកូន
ទោះជាកូនយើងកើតមកមានសភាពបែបណាក៏ដោយ យើងត្រូវស្រលាញ់ និងព្រមទទួលគ្រប់យ៉ាង ឧទាហរណ៍ថា កូនយើងកើតមកមិនគ្រប់លក្ខណៈ កើតមកទោះទាប ឬខ្មៅក៏ដោយ ក៏នៅតែជាកូនរបស់យើងដែរ ដូច្នេះយើងត្រូវស្រលាញ់កូនឲ្យអស់បេះដូង និងកុំប្រៀបធៀបកូនជាអ្នកដទៃ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet