ចិន៖ យ៉ាងហោចណាស់មានបុគ្គលិកមន្ទីរពេទ្យចំនួន ៥០០ នាក់នៅទីក្រុង Wuhan បានឆ្លងវីរុសថ្មី។ មានប្រភពជាច្រើនចេញពីបុគ្គលិកពេទ្យបានបញ្ជាក់ថាមន្ទីរពេទ្យខ្វះបុគ្គលិក ហើយបានបង្កការព្រួយបារម្ភយ៉ាងខ្លាំងក្នុងចំណោមបុគ្គលិកផ្នែកថែទាំសុខភាព។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខណៈពេលដែលរដ្ឋាភិបាលបានរាយការណ៍ពីករណីបុគ្គលិកពេទ្យផ្នែកថែទាំសុខភាពបានឆ្លងជំងឺនេះ ជាងនេះទៀតគ្រូពេទ្យ និងគិលានុបដ្ឋាយិកាត្រូវបានគេហាមមិនឱ្យផ្សព្វផ្សាយដំណឹងនេះជាសាធារណៈឡើយ។
ហេតុផលសម្រាប់បទបញ្ជានេះមិនត្រូវបានពន្យល់ទេ ប៉ុន្តែអាជ្ញាធរបានព្យាយាមលើកកម្ពស់ស្មារតីក្នុងចំណោមបុគ្គលិកពេទ្យជួរមុខ ជាពិសេសបន្ទាប់ពីមរណភាពរបស់វេជ្ជបណ្ឌិត Li Wenliang ដែលត្រូវបានសម្លាប់ដោយវីរុសថ្មីនេះជាច្រើនសប្តាហ៍។
នៅពាក់កណ្តាលខែមករាមានករណីឆ្លងប្រហែល ៥០០ ករណីក្នុងចំណោមបុគ្គលិកមន្ទីរពេទ្យចំនួន ៦០០ នាក់ទៀតដែលគេសង្ស័យ។
ប្រភពពីមន្ទីរពេទ្យធំមួយនៅវូហានដែលដឹងអំពីស្ថានភាពបានបញ្ជាក់ថាការការបែកធ្លាយព័ត៌មាននេះពិតជាត្រឹមត្រូវមែន។ អ្នកឆ្លងទាំងនោះរួមមានបុគ្គលិកយ៉ាងហោចណាស់ ១០០ នាក់មកពីមន្ទីរពេទ្យ Wuhan Xiehe និងមន្ទីរពេទ្យ Renmin នៃសាកលវិទ្យាល័យ Wuhan ហើយមាន ៥០ ករណីទៀតពីមន្ទីរពេទ្យ Wuhan លេខ ១ និងមន្ទីរពេទ្យ Zhongnan ។
របាយការណ៍ស្រាវជ្រាវមួយដែលបោះពុម្ពផ្សាយដោយវេជ្ជបណ្ឌិតមកពីមន្ទីរពេទ្យ Zhongnan Hospital ក្នុងទិនានុប្បវត្តិសមាគមវេជ្ជសាស្ត្រអាមេរិក(The Journal of the American Medical Association) កាលពីថ្ងៃសុក្រសប្តាហ៍មុនបាននិយាយថា យ៉ាងហោចណាស់បុគ្គលិកពេទ្យចំនួន ៤០ នាក់បានឆ្លងជំងឺនេះ។
វេជ្ជបណ្ឌិតមកពីមន្ទីរពេទ្យធំមួយក្នុងទីក្រុង Wuhan ដែលស្នើសុំមិនបញ្ចេញឈ្មោះបាននិយាយថា ការវិវត្តនេះបានប៉ះពាល់ដល់ស្មារតីបុគ្គលិកពេទ្យជាច្រើន និងបុគ្គលិកមានការអន់ចិត្តនៅពេលពួកគេបានឃើញការស្កេន CAT របស់មិត្តរួមការងារដែលបានឆ្លងជំងឺនេះ។
វេជ្ជបណ្ឌិតម្នាក់បាននិយាយថា “ហេតុដូច្នេះហើយបានជាយើងស្រែករកការបរិច្ចាគបន្ថែមទៀតក្នុងការផ្គត់ផ្គង់គ្រឿងបរិក្ខាពេទ្យ” ។ យើងបានឃើញសហសេវិកជាច្រើននាក់ធ្លាក់ខ្លួនឈឺដោយសារតែការការពារមិនគ្រប់គ្រាន់។
ក្រុមវេជ្ជបណ្ឌិតនិងអ្នកជំនាញផ្នែកវេជ្ជសាស្ត្របាននិយាយថាកង្វះខាតឧបករណ៍ការពារ ការធ្វើការលើសម៉ោង និងកង្វះការយល់ដឹងអំពីរបៀបដែលមេរោគឆ្លងគឺជាកត្តាចំបងក្នុងការឆ្លងជំងឺមួយចំនួនធំ។
យូចាងពីង (Yu Changping) អ្នកឯកទេសខាងផ្លូវដង្ហើមនៅមន្ទីរពេទ្យ Renmin នៃសាកលវិទ្យាល័យ Wuhan បានវិវត្តគ្រុនក្តៅកាលពីថ្ងៃទី ១៤ ខែមករា ហើយក្រោយមកត្រូវបានបញ្ជាក់ថាបានឆ្លងវីរុសនេះ។
គាត់បាននិយាយថាគាត់មិនច្បាស់ទេថាពេលណាគាត់ឆ្លងជំងឺចាប់តាំងពីគាត់ព្យាបាលអ្នកជំងឺជារៀងរាល់ថ្ងៃ ហើយឱកាសនៃការឆ្លងជំងឺគឺខ្ពស់។ គាត់បាននិយាយថា“ មេរោគនេះឆ្លងសាហាវណាស់ យើងមិនមានការយល់ដឹងគ្រប់គ្រាន់អំពីវីរុសនេះទេ” ។
Yu ត្រូវបានបញ្ជូនទៅមន្ទីរពេទ្យនៅថ្ងៃទី ១៧ ខែមករាជាមួយមិត្តរួមការងារម្នាក់ទៀតមកពីផ្នែកតែមួយហើយនៅតែត្រូវបានគេព្យាបាល។ ការស្លាប់របស់បុគ្គលិកថែទាំសុខភាពអ៊ូហានយ៉ាងតិច ៣ នាក់ត្រូវបានគេរាយការណ៍មកទល់ពេលនេះរួមមានទាំងលោក Li ផងដែរ។
អនុប្រធាននាយកដ្ឋានលោករបស់លោក Li គឺលោក Mei Zhongming ក៏ត្រូវបានគេរាយការណ៍ថាបានឆ្លងមេរោគនេះដែរ។ យោងតាមការចុះផ្សាយផ្ទាល់របស់លោក Li នៅលើបណ្តាញទំនាក់ទំនងសង្គម Weibo បានឲ្យដឹងថាគាត់បានឆ្លងជំងឺនេះកាលពីថ្ងៃទី ៨ ខែមករាពីអ្នកជំងឺ ប៉ុន្តែទើបតែចាប់ផ្តើមបង្ហាញរោគសញ្ញាពីរថ្ងៃក្រោយមក។
សាស្រ្តាចារ្យ John Snow មកពីផ្នែកសុខភាពសាធារណៈនៅឯសាលា Mailman School of Public Health នៅសាកលវិទ្យាល័យកូឡុំប៊ីបាននិយាយថាហានិភ័យដែលបុគ្គលិកថែទាំសុខភាពប្រឈមមុខគឺខ្ពស់ បើទោះបីជាមានឧបករណ៍ការពារក៏ដោយ។ លោកបានប្រាប់សន្និសីទសារព័ត៌មានមួយនៅថ្ងៃអាទិត្យបន្ទាប់ពីធ្វើទស្សនកិច្ចនៅប្រទេសចិនតាមការអញ្ជើញរបស់រដ្ឋាភិបាល។
វេជ្ជបណ្ឌិតទី ២ មកពីមន្ទីរពេទ្យធំមួយបាននិយាយថា បុគ្គលិកថែទាំសុខភាពក៏ត្រូវប្រឈមនឹងកង្វះខាតកម្លាំងពលកម្មផងដែរ ពីព្រោះមនុស្សជាច្រើនបានធ្លាក់ខ្លួនឈឺ។
គ្រាន់តែជាការប៉ាន់ស្មានដ៏លំបាកមួយគិលានុបដ្ឋាយិកានិងគ្រូពេទ្យ ១០០ នាក់អាចមើលថែគ្រែធម្មតា ១០០ និងគ្រែ ICU បាន ១៦។ ប្រសិនបើពួកគេឈឺមិនត្រឹមតែពួកគេកាន់កាប់គ្រែចំនួន ១០០ ប៉ុណ្ណោះទេ ប៉ុន្តែបុគ្គលិកដែលមើលថែគ្រែចំនួន ១០០ បានបាត់ទៅហើយ នោះមានន័យថាមន្ទីរពេទ្យកាន់គ្រែចំនួន ២០០។ នោះហើយជាមូលហេតុដែលអាជ្ញាធរត្រូវបន្តបញ្ជូនគ្រូពេទ្យទៅវូហានដោយមិនត្រឹមតែមិនមានគ្រែគ្រប់គ្រាន់ប៉ុណ្ណោះទេ ប៉ុន្តែក៏ព្រោះតែខ្វះគ្រូពេទ្យនិងគិលានុបដ្ឋាយិកាក្នុងការមើលថែគ្រែអ្នកជំងឺផងដែរ។
អាជ្ញាធរចិនបានប្រមូលបុគ្គលិកពេទ្យប្រមាណ ១០.០០០ នាក់បន្ថែមទៀតដើម្បីព្យាបាលអ្នកជំងឺនៅវូហានដែលជាចំណុចស្នូលនៃការផ្ទុះឡើងនៃវីរុស ហើយឧបករណ៍ការពារបន្ថែមទៀតត្រូវបានបញ្ជូនទៅកាន់មន្ទីរពេទ្យធំៗ ក្នុងទីក្រុង។
វេជ្ជបណ្ឌិតម្នាក់ក្នុងវូហានបាននិយាយថា“ ការឆ្លងមេរោគក្នុងចំណោមបុគ្គលិកថែទាំសុខភាពឥឡូវនេះមិនសូវធ្ងន់ធ្ងរជាងខែមករាទេ” តែការបារម្ភធំបំផុតគឺឧបករណ៍ការពារ។
ប៉ុន្តែវេជ្ជបណ្ឌិតបានព្រមានថាស្ថានការណ៍អាចនឹងកាន់តែអាក្រក់នៅក្នុងទីក្រុងដទៃទៀតក្នុងខេត្តហ៊ូប៉ី ហើយបាននិយាយថាគាត់បានឮថាបុគ្គលិកថែទាំសុខភាពជាច្រើននៅទីក្រុងអ៊ីចូវ ដែលនៅជិតនោះបានឆ្លងជំងឺនេះ។
គណៈកម្មការសុខាភិបាល នៃកោះមួយក្នុងខេត្តហៃណាន បាននិយាយថាគ្រូពេទ្យ និងគិលានុបដ្ឋាយិកាបានឆ្លងមេរោគបន្ទាប់ពីបានប៉ះពាល់នឹងអ្នកជំងឺរយៈពេល ៦ នាទីទោះបីជាពួកគេពាក់ម៉ាសក៏ដោយ។
នៅមន្ទីរពេទ្យហ្វុងជីង (Fuxing hospital) ក្នុងទីក្រុងប៉េកាំង បុគ្គលិកពេទ្យ ៦ នាក់ អ្នកជំងឺ ៥ នាក់ និងអ្នកមើលថែក្មេង ៤ នាក់ត្រូវបានរាយការណ៍ថាបានឆ្លងជំងឺពីអ្នកជំងឺម្នាក់។
វេជ្ជបណ្ឌិតចាងកេ (Zhang Ke) ជាវេជ្ជបណ្ឌិតនៅមន្ទីរពេទ្យយូណានដែលមានឯកទេសខាងជំងឺឆ្លងបាននិយាយថា ការឆ្លងរវាងអ្នកជំងឺ និងវេជ្ជបណ្ឌិតគឺជាការព្រួយបារម្ភយ៉ាងខ្លាំង ជាពិសេសដោយសារមន្ទីរពេទ្យជាច្រើនមិនត្រូវបានរៀបចំឡើងដើម្បីដោះស្រាយជំងឺឆ្លង។
សូម្បីតែនៅក្នុងមន្ទីរពេទ្យដែលបានកំណត់ការទទួល និងព្យាបាលអ្នកជំងឺនៅមានភាពច្របូកច្របល់នៅក្នុងទីក្រុងវូហាន។ អ្នកជំងឺក្តៅខ្លួនបានប្រញាប់បញ្ជូនទៅមន្ទីរពេទ្យ ហើយមន្ទីរពេទ្យបានក្លាយជាកន្លែងភ្ញាស់មេរោគ ដោយសារការរចនារបស់ពួកគេមិនមានលក្ខណៈវិទ្យាសាស្ត្រតិចជាងមន្ទីរពេទ្យដែលមានជំងឺឆ្លង។
“ ក្នុងកំឡុងពេលនៃការផ្ទុះជំងឺ Sars ក្នុងឆ្នាំ ២០០៣ បុគ្គលិកពេទ្យចិនចំនួន ១៨ ភាគរយនិង ២២ ភាគរយនៃបុគ្គលិកពេទ្យហុងកុងបានឆ្លង។ ខ្ញុំប៉ាន់ស្មានថាយើងនឹងឃើញបុគ្គលិកពេទ្យ ១០ ទៅ ២០ ភាគរយឆ្លងមេរោគនេះ” ៕