បរទេស៖ អតីតអនុប្រធានក្លិប Barcelona លោក Jordi Mestre បាននិយាយថា Neymar គួរតែបំភ្លេចចោលរឿងធ្វើពិធីកំណើតនៅក្នុងប្រទេសប្រេស៊ីល បើសិនជាកំពូលខ្សែប្រយុទ្ធរបស់ក្លិប Paris Saint-Germain ត្រឡប់មកលេងនៅកីឡដ្ឋាន Camp Nou វិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រោយចាកចេញពីក្លិបមានមូលដ្ឋាននៅតំបន់កាតាឡាន់ទៅចូលរួមជាមួយក្លិបអ្នកមាននៅបារាំង Paris Saint-Germain កាលពីរដូវក្ដៅឆ្នាំ២០១៧ ក្នុងតម្លៃខ្លួនបំបែកឯតទគ្គកម្មពិភពលោក ២៤២លានដុល្លារ មានព័ត៌មានលេចឭជាច្រើនមកថា Neymar អាចនឹងត្រឡប់មកលេងនៅ Barcelona វិញ។
កាលពីទីផ្សារដោះដូរកីឡាកររដូវក្ដៅឆ្នាំទៅ ខ្សែប្រយុទ្ធរបស់ក្រុមជម្រើសជាតិប្រេស៊ីល Neymar ស្ទើរតែផ្លាស់មកកាន់ក្របខណ្ឌ La Liga ដោយចូលរួមជាមួយ Barcelona វិញទៅហើយ ប៉ុន្តែការផ្ទេរនោះមិនអាចកើតឡើងទៅបានក្រោយក្លិបយក្សបារាំង PSG មិនបានឯកភាពទៅលើរឿងនេះ។
ឆ្លើយសំណួរទាក់ទង Neymar លោក Jordi Mestre បានឲ្យដឹងថាបើសិនជាត្រឡប់មក Barcelona វិញមែននោះវាអាចជារឿងមួយល្អដែរសម្រាប់ក្លិប ប៉ុន្តែលោកមិនសប្បាយអ្វីនោះទេ ហើយកម្មវិធីជប់លៀងខួបកំណើតរបស់គេនៅក្នុងប្រទេសប្រេស៊ីលត្រូវតែបញ្ឈប់។
ថ្លែងប្រាប់ Mundo Deportivo អតីតអនុប្រធានក្លិបរបស់ Barcelona ដែលបានចុះចេញពីតំណែងកាលពីខែកក្កដា ឆ្នាំ២០១៩ បាននិយាយថា៖
គួរឲ្យដឹងផងដែរថា បើទោះបីជាដំណឹងនៃការចាកចេញរបស់ Neymar នៅតែបន្តមានក៏ដោយ ប៉ុន្តែនៅរដូវកាល ២០១៩-២០២០ គេចូលលេងឲ្យ PSG បានចំនួន១៨ប្រកួត រកគ្រាប់បាល់បាន១៥គ្រាប់ និងបញ្ជូនបាល់ឲ្យមិត្តរួមក្រុមបញ្ចប់ទីបានសម្រេច១០ដង៕
ប្រភព៖ GOAL