មាន​ម៉ាក់​ៗ​ជាច្រើន​ពេល​មាន​ផ្ទៃពោះ​ចង់​លាប​ឡេលាយឲ្យសស្អាត តែ​មាន​កូន​ចិត្ត​ព្រួយបារម្ភ​ចំពោះ​កូន ទើប​ចេះតែខ្លាចៗ និងលើកជាសំណួរ​មកកាន់ Hello គ្រូពេទ្យ ថា តើការ​លាប​ឡេ​ពេល​ពពោះ​នោះ​ពិតជា​ប៉ះពាល់​ចំពោះ​កូន​មែន​ឬ​អត់? លោក​វេជ្ជបណ្ឌិត ​លី ឫទ្ធីគុណ បាន​បញ្ជាក់​ថា ពិតជា​មាន​ផល​ប៉ះពាល់​មែន។

ក្នុង​នោះ​ដែរលោក​បាន​ពន្យល់​ថា ជា​ធម្មតាឡេឡាយ​តែង​តែ​លាយ​ជាមួយសារធាតុ​កាត់ និង​ជាតិ​គីមីជាច្រើន ហើយ​អ្វី​ដែល​ដឹង​ច្បាស់​គឺជាតិ​បារត​ក្នុង​ឡេ​លាយ​ពេល​យើង​លាប​ទៅ អាច​ចូល​ទៅ​ក្នុង​ចរន្ត​ឈាម ហើយ​ពេល​សន្សំ​វា​យូរ​ៗ​ទៅ​ធ្វើឲ្យ​ពុល​ខួរក្បាល ហើយ​ធ្វើ​ឲ្យ​អ្នក​ប្រើ​មាន​អាការៈ​ញ័រដៃ​ជើង បាត់បង់​ការ​ចងចាំ អន់​បញ្ញា និង​មាន​បញ្ហា​សាច់​ដុំ។

ចំណែក​ជាតិ​បារត​នោះ​អាច​ចម្លង​ពី​ម្ដាយ​ទៅ​បាន​ឬ​ទេ? ចម្លើយ​ពិត​ជា​បាន​តាម​រយៈ​ទងសុក​​ក្នុង​ពេល​មាន​ផ្ទៃពោះ​នោះ​តែម្ដង ហើយ​ក្នុង​បរិមាណ​តិច​តួច​តាមរយៈ​ទឹកដោះ​ម្ដាយ​ក្រោយ​ពេល​កើត។ ការ​ប៉ះពាល់​នឹង​បារត​អាច​ប៉ះពាល់​ដល់​ការ​លូតលាស់​ខួរក្បាល និង​ប្រព័ន្ធ​សរសៃ​ប្រសាទ​របស់​ទារក​ក្នុង​ពេល​មាន​ផ្ទៃពោះ និង​ក្រោយ​ពេល​កើត។

ទោះ​ជា​ប៉ះពាល់​មែន តែ​លោក​បដិសេធ​ថា បញ្ហា​ក្មេង​មាន​បញ្ហា​ស្បែក​ដូចជា​របក ឬ​ក្រៀមនោះ មិន​ទាក់ទង​នឹង​ការ​លេប​ឡេ​របស់​ម៉ាក់​ៗ​ឡើយ។ រីឯ​ម៉ាក់​ៗ​ក៏​ដូចគ្នា​ដែរ ពេល​ពពោះ​ចៀសវាង​លេប​ឡេ​ប្រភេទ​នេះ ដើម្បី​សុវត្ថិភាព​ខ្លួន និង​កូន​ក្នុង​ផ្ទៃ។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សម្រស់ & សុខភាព និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ