អូស្ត្រាលី៖ កាលពីល្ងាចថ្ងៃទី៩ ខែកុម្ភៈម្សិលមិញនេះ ដោយសារតែមានភ្លៀងធ្លាក់ខ្លាំង បណ្ដាលឲ្យត្រីឆ្លាមពណ៌សមួយក្បាល ហែលមកក្បែរផ្ទះប្រជាជន នៅតំបន់ឆ្នេរសមុទ្រ Narrabeen ភាគខាងជើងនៃទីក្រុងស៊ីដនី។ 

វីដេអូឃ្លីបខ្លីមួយ ត្រូវបានបង្ហោះទៅលើបណ្ដាញសង្គមអុីនស្ដាក្រាម បង្ហាញឲ្យឃើញពីត្រីឆ្លាមមួយក្បាលកំពុងតែហែលក្នុងទឹកជន់លិចលើផ្លូវ ដែលធ្វើឲ្យមានការភ្ញាក់ផ្អើលយ៉ាងខ្លាំងទៅដល់មហាជន។ ទន្ទឹមនឹងនេះ ក៏មានមហាជនមួយចំនួនគិតថាមិនមែនជាត្រីឆ្លាមឡើយ អាចគ្រាន់តែជាសត្វអ្វីផ្សេងប៉ុណ្ណោះ។ 

យ៉ាងណាមិញ មកទល់ពេលនេះ មិនទាន់មានការបញ្ជាក់ច្បាស់លាស់ពីខាងអាជ្ញាធរក្នុងតំបន់ថាជាសត្វអ្វីឲ្យពិតប្រាកដឡើយ។

គួររម្លឹកដែរថា កាលពីឆ្នាំ២០០៧កន្លងទៅនេះ នៅតំបន់ឆ្នេរសមុទ្រ Narrabeen ក៏ធ្លាប់មានគេប្រទះឃើញត្រីឆ្លាមម្ដងរួចមកហើយ។ ហើយកាលនោះ ក្រុមប្រឹក្សា Warringah បានព្រមានប្រជាជនទាំងអស់ ឲ្យនៅឆ្ងាយពីតំបន់សមុទ្រ៕

សូមទស្សនារូបភាពនិងវីដេអូខាងក្រោម៖

ត្រីឆ្លាមកំពុងហែលក្នុងទឹក
ត្រីឆ្លាមកំពុងហែលក្នុងទឹក
  តំបន់ឆ្នេរសមុទ្រ Narrabeen
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ