ទៀតហើយ! ព្យុះCiara កំពុងបោកបក់ខ្លាំងនៅចក្រភពអង់គ្លេស (មានវីដេអូ)

អង់គ្លេស៖ ភ្លៀងធ្លាក់ខ្លាំងនិងខ្យល់បក់ខ្លាំងជាង ៩០ ម៉ែលក្នុងមួយម៉ោងនាំឱ្យមានការជន់លិច និងរំខានដល់ការធ្វើដំណើរនៅពេលព្យុះ Ciara បានបោកបក់មកលើចក្រភពអង់គ្លេស។ ដើមឈើត្រូវបានដួលរលំ អាគារត្រូវបានខូចខាតហើយផ្ទះខ្លះត្រូវជម្លៀសចេញនៅពេលដែលទឹកទន្លេបាក់ហូរខ្លាំង។ មនុស្សរាប់ពាន់នាក់គ្មានអគ្គីសនីប្រើប្រាស់ ហើយព្រឹត្តិការណ៍កីឡាមួយចំនួនត្រូវបានលុបចោលដោយសារអាកាសធាតុ។ ក្រុមហ៊ុនអាកាសចរណ៍ក៏បានលុបចោលជើងហោះហើររាប់រយជើងផងដែរ ខណៈដែលក្រុមហ៊ុនរថភ្លើងមួយចំនួនបានជំរុញឱ្យផ្អាកការធ្វើដំណើរ។

អ្នកដំណើរសាឡាងក៏ប្រឈមមុខនឹងការពន្យារពេលនិងការលុបចោល ហើយអ្នកបើកបរត្រូវបានគេបង្ការឱ្យយកចិត្តទុកដាក់បន្ថែម។​ ផ្នែកធំៗ នៃចក្រភពអង់គ្លេសត្រូវបានគ្របដណ្តប់ដោយការហាមឃាត់ សម្រាប់ខ្យល់បក់ខ្លាំងដោយការិយាល័យ Met បានផ្តល់ដំបូន្មានថារលកធំៗ នៅតាមតំបន់ឆ្នេរ និងកម្ទេចកម្ទីហោះអាចបណ្តាលឱ្យរងរបួស៕