ដាច់ផ្ងារ! គិតត្រឹមសប្ដាហ៍នេះ មិនមែន Augero និង Salah តែម្នាក់នេះទៅវិញទេដែលជា Top Scorers នៅ PL

អង់គ្លេស៖ ២៥សប្ដាហ៍កន្លងផុតទៅក្នុងរដូវកាល ២០១៩-២០២០ Liverpool កំពុងឈរនៅកំពូលតារាងក្របខណ្ឌ Premier League ដោយលេងមិនទាន់ស្គាល់ពាក្យថាចាញ់សោះ ឈ្នះ២៤ និងស្មើ១ មាន៧៣ពិន្ទុ ខណៈជើងឯកឆ្នាំចាស់ Manchester City ឈរនៅលេខ២ មានត្រឹម៥១ពិន្ទុ។ ចំណែកឯក្រុមបាតតារាងវិញគឺ Norwich City មាន១៨ពិន្ទុ។

និយាយដោយឡែក ចំពោះអ្នកដែលរកគ្រាប់បាល់បានច្រើនជាងគេ (Top Scorers) វិញគឺមិនមែនជាកីឡាកររបស់ Liverpool នោះទេ។ អ្នកដែលរកគ្រាប់បាល់បានច្រើនជាងគេគិតត្រឹមសប្ដាហ៍ទី២៥នេះនៅក្របខណ្ឌ Premier League គឺខ្សែប្រយុទ្ធអង់គ្លេសរបស់ក្លិប Leicester City កីឡាករ Jamie Vardy ដែលអាចរកបាន ១៧គ្រាប់។

អ្នកដែលរកគ្រាប់បាល់បានច្រើនជាងគេទាំង៦រូបគិតត្រឹមសប្ដាហ៍ទី២៥ មានដូចជា៖

• Jamie Vardy (១៧គ្រាប់)

• Sergio Aguero (១៦គ្រាប់)

• Pierre-Emerick Aubameyang (១៤គ្រាប់)

• Danny Ings (១៤គ្រាប់)

• Marcus Rashford (១៤គ្រាប់)

• Mohamed Salah (១៤គ្រាប់)

គួរឲ្យដឹងដែរថា កាលពីរដូវកាលមុន ២០១៨-២០១៩ ម្ចាស់ស្បែកជើងមាស (Top Scorers) មានចំនួន៣រូបដែលរកបានគ្រាប់បាល់ ២២គ្រាប់ស្មើៗគ្នាគឺ Aubameyang, Mane និង Salah៕