ចិន៖ វីរុសកូរ៉ូណា ហាក់កំពុងរាលដាលខ្លាំងស្ទើរជុំវិញពិភពលោក ជាពិសេសនៅប្រទេសចិន ដែលជាប្រភពនៃការកកើត នៃវីរុសដ៏អាក្រក់មួយនេះ។ ទន្ទឹមនឹងនេះដែរ គេសង្កេតឃើញប្រជាជនចិនមួយចំនួនហាក់កំពុងខ្វះខាតម៉ាសសម្រាប់ពាក់ការពារ ខណៈវីរុសប្រភេទថ្មីនេះកំពុងគំរាមគំហែងដល់ជីវិតមនុស្សជាច្រើន។

ជាក់ស្ដែង យោងតាមឃ្លិបវីដេអូខ្លីមួយដែលបានបង្ហោះលើបណ្ដាញសង្គម Twitter បានបង្ហាញពី ស្ត្រីម្នាក់ ដែលពុំមានម៉ាសពាក់ការពារជំងឺឆ្លង ខណៈនាងកំពុងជិះលើរថភ្លើងក្នុងខេត្ត Shaanxi។ ក្នុងនោះដែរ នាងហាក់មានការព្រួយបារម្មណ៍យ៉ាងខ្លាំងចំពោះសុខភាព នាងបានទាញអាវធំរបស់នាងមកគ្របលើច្រមុះ និងមាត់ ជំនួសឲ្យការមិនមានម៉ាស។ ខណៈនោះដែរ ស្រាប់តែបុគ្គលិកធ្វើការនៅលើរថភ្លើងម្នាក់ បានដើរទៅជិតហើយសួរអ្នកដំណើររូបនោះថា «មានបញ្ហាអ្វីមែនទេ ?​» ។ ភ្លាមៗនោះ ស្ត្រីខាងលើក៏បានរៀបរាប់ទាំងទឹកភ្នែកថា «នាង ទិញម៉ាសមិនបានទេ»។

ស្រ្តី ពេលដែលមិនទាន់មានម៉ាសពាក់

ដោយពុំមានការស្ទាក់ស្ទើរ បុរសបម្រើការនៅលើរថភ្លើងនោះ បានលូកដៃចូលទៅក្នុងហោប៉ៅអាវរបស់គាត់ ហើយបានដកម៉ាសថ្មីមួយឲ្យទៅស្រ្តី ព្រមទាំងពាក់ឲ្យថែមទៀតផង។

យ៉ាងណាមិញ នៅពេលដែលស្ត្រីខាងលើ ចាកចេញពីរថភ្លើង នាងក៏បានសម្ដែងការដឹងគុណចំពោះបុរសដែលបានផ្ដល់ម៉ាសឲ្យនាង យ៉ាងគួរឲ្យគោរពផងដែរ៕

សូមទស្សនារូបភាព និងវីដេអូខាងក្រោម៖

ស្រ្តី ពេលដែលមិនទាន់មានម៉ាសពាក់
ស្រ្តី ក្រោយទទួលមានម៉ាស
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ