ថ្មីៗទាំងចិន និងប្រទេសមួយចំនួនទៀតបានបង្ហាញនូវក្តីបារម្ភរឿងកូរ៉ូណាវីរុសដល់ស្រៀវឆ្អឹងខ្នង។ បារម្ភព្រោះជំងឺនេះបានបណ្តាលឲ្យពលរដ្ឋចិនស្លាប់យ៉ាងរហ័សដល់រាប់រយនាក់ក្នុងរយៈពេលមិនដល់២ខែ ព្រមទាំងឆ្លងដល់ខ្ទង់ម៉ឺននាក់ដែលកំពុងទទួលយកការព្យាបាល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សវីរុសមួយដែលពីមុនមិនធ្លាប់មាននៅក្នុងវិទ្យាសាស្ត្រ ថ្មីៗបាននឹងកំពុងរីករាលដាលយ៉ាងធ្ងន់ធ្ងរនៅក្នុងប្រទេសចិន និងក្នុងប្រទេសដទៃទៀតផងដែរ។ ពលរដ្ឋចិនត្រូវបានគេដឹងថា ស្លាប់ដោយសារកូរ៉ូណាវីរុសដែលជំងឺនេះ បានលេចមុខនៅក្នុងទីក្រុងវូហានកាលពីខែធ្នូ។ មានមតិជាច្រើនដែលចង់ដឹងចង់ឮពីទំនួលខុសត្រូវរបស់ចិនរឿងបញ្ហានេះ។
តបនឹងរឿងក្តៅគគុកដែលកំពុងកើតឡើងនេះ ប្រទេសចិនបាននឹងកំពុងដុតដៃដុតជើងសាងសង់មន្ទីរពេទ្យ២យ៉ាងតក់ក្រហល់ដោយអះអាងថាធ្វើឡើងត្រឹមរយៈពេល១០ថ្ងៃ ដើម្បីមានកន្លែងគ្រប់គ្រាន់ព្យាបាលអ្នកជំងឺដែលមានគ្រែសម្រាប់មនុស្សសរុបចំនួន ២៣០០ នាក់។
ខេត្ត Hubei ភាគកណ្តាលដែលមានមនុស្សស្លាប់ច្រើនគួរឲ្យបារម្ភ បានស្ថិតក្នុងស្ថានភាពជាប់គាំង។ ខេត្តនេះមានប្រជាជន ៦០លាននាក់គឺជាម្ចាស់ផ្ទះ Wuhan ដែលជាកន្លែងនៃការផ្ទុះឡើង។ ទីក្រុងនេះត្រូវបានបិទយ៉ាងទាន់ហន់ក្រោយបញ្ហារាតត្បាតដូចផ្លេកបន្ទោរ។
ចិនបានដាក់កម្រិតលើការដឹកជញ្ជូនជាច្រើនដើម្បីទប់ស្កាត់ការរីករាលដាលនៃវីរុសនេះ។ ការជួបជុំគ្នារបស់ពលរដ្ឋលក្ខណៈទ្រង់ទ្រាយធំ មួយចំនួនត្រូវបានហាមឃាត់ ចំណែកទីតាំងទេសចរណ៍រួមទាំងផ្នែកខ្លះនៃមហាកំផែងត្រូវបានបិទ។ ហើយការហាមឃាត់ការលក់សត្វព្រៃដែលជាប្រភពនៃការឆ្លងក៏រិតតែរឹតត្បិតថែមទៀត។
សូមបញ្ជាក់ថា គិតត្រឹមព្រឹកថ្ងៃទី០៤ កុម្ភៈ ពលរដ្ឋហុងកុងមានអ្នកជំងឺ១៥នាក់ ខណៈម៉ាកាវមាន៨នាក់ និងតៃវ៉ាន់១០នាក់។ តួលេខនេះ នាំឲ្យប្រទេសចិនទាំងមូល មានអ្នកស្លាប់ ៤២៦នាក់ និង១នាក់ទៀតនៅហ្វីលីពីន៕
Bong I.T