ពិតណាស់អំឡុងពេលពពោះ គ្នាយើងភាគច្រើន ញ៉ាំអីក៏មិនបានមែន ចាញ់នុ៎ះចាញ់! ប៉ុន្តែយ៉ាងណាត្រូវតែញ៉ាំ ព្រោះបើមិនញ៉ាំអាចប៉ះពាល់ទាំងយើង និងគភ៌ក្នុងផ្ទៃ។ អត្ថនេះ “Hello គ្រូពេទ្យ” នឹងណែនាំស្រីៗគ្នាយើង តិចនិកញ៉ាំអាហារខ្លះៗអំឡុងពេលពពោះ ធានាថាល្អទាំងម៉ាក់ និងបេប៊ី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១- កុំភ្លេចញ៉ាំអាហារព្រឹក
– ព្យាយាមញ៉ាំអាហារព្រឹកតាមអាចធ្វើបានដូចជា ញ៉ាំផ្លែឈើ និងធញ្ញជាតិចម្រុះ Cereals គឺល្អចំពោះសុខភាព ព្រោះ Cereals មានផ្ទុកសារធាតុចញ្ចឹមជាច្រើន ពិសេសជាតិកាល់ស្យូមដែលរាងកាយយើងត្រូវការចាំបាច់អំឡុងពេលពពោះ។
– បើមានអារម្មណ៍ចាញ់ខ្លាំងមិនស្រួលខ្លួន អាចញ៉ាំរបស់ក្រៀមៗដូចជានំបុ័ងស្រូវសាលីក៏បាន បន្ទាប់មកត្រូវញ៉ាំអាហារផ្សេងទៀតឲ្យបានច្រើននៅពេលព្រឹក។
២- ញ៉ាំអាហារមានជាតិសរសៃ
– ញ៉ាំអាហារចម្រុះឲ្យបានច្រើន គឺល្អសម្រាប់ស្រីៗពពោះ ដូចជាការ៉ុត បន្លែបៃតងចម្អិនរួច ចេក និងត្រសក់ស្រូវ។
– ញ៉ាំសណ្តែក និងគ្រាប់ធញ្ញជាតិទាំងមូល ឬអាចសាកល្បងអង្ករសម្រូប ឬអូដមៀល (oatmeal) ក៏ល្អដែរ។
៣- ជ្រើសរើសអាហារសម្រន់ល្អសម្រាប់សុខភាព
– អាចញ៉ាំយ៉ាអូរមានជាតិខ្លាញ់ទាប ឬគ្មានជាតិខ្លាញ់តែម្តង។
– អាចញ៉ាំនំគ្រាប់ធញ្ញជាតិ និងឈីសគ្មានជាតិខ្លាញ់បាន។
៤- ញ៉ាំវីតាមីន មានផ្ទុកជាតិដែក និងអាស៊ីដហ្វូលីករៀងរាល់ថ្ងៃ
ញ៉ាំពពួកវីតាមីនបំប៉នមានផ្ទុកសារធាតុទាំងពីរនេះរៀងរាល់ថ្ងៃ គឺល្អខ្លាំង និងចាំបាច់អំឡុងពេលពពោះ ព្រោះជាតិដែក ជួយឲ្យគ្រាប់ឈាមក្រហម ហើយមានសុខភាពល្អ ខណៈអាស៊ីដហ្វូលីក ជួយការពារគភ៌ពីបញ្ហាពិការពីកំណើត។
៥- ញ៉ាំសាច់ត្រី ឬសត្វសមុទ្រមានសំបក
ក្នុងមួយសប្តាហ៍ ស្រីៗពពោះគួរញ៉ាំអាហារដូចជា ញ៉ាំសាច់ត្រី ឬសត្វសមុទ្រមានសំបក ឲ្យបានយ៉ាងហោចណាស់ ៣៤០ក្រាម ឬច្រើនជាងនេះ។
– អាហារញ៉ាំសាច់ត្រី ឬសត្វសមុទ្រមានសំបកមួយពេល តិចបំផុត ត្រូវឲ្យបាន ៨៥ក្រាម។
– ចៀសវាងសាច់ត្រី ឬសត្វសមុទ្រមានសំបកមានជាតិបារតខ្ពស់ ដូចជា ត្រីឆ្លាម ត្រីដាវ ស្តេចត្រីស្បៃកា និងត្រី Tilefish។
– បើញ៉ាំត្រីធូណា ត្រូវញ៉ាំសាច់ត្រីធូណាស ដែលច្រកកំប៉ុងរួច ព្រោះត្រីធូណាស (Albacore (white) tuna ) មានជាតិបារតខ្ពស់។
– បង្គា ត្រីសាល់ម៉ុន និងអំបូរត្រី catfish (សន្តានដូចត្រីអណ្តែង) គួរញ៉ាំឲ្យបានច្រើន ព្រោះមានជាតិបារតទាប។
៦- អាហារថ្ងៃត្រង់ កុំញ៉ាំពពួកឈីសទន់ និងសាច់សុទ្ធ
អាហារមួយចំនួន មានផ្ទុកបាក់តេរី ដែលអាចនាំឲ្យប៉ះពាល់អូនៗក្នុងផ្ទៃ ហេតុនេះមិនត្រូវញ៉ាំនោះទេដូចជា៖
– ឈីសទន់ មាន Feta, Brie និង Goat cheese ជាដើម។
– សាច់សត្វ ឬសាច់ត្រី ឆៅ និងចម្អិនមិនឆ្អិនល្អ (Sushi)
– បើញ៉ាំអាហារថ្ងៃត្រង់មានសាច់ និងសាច់ក្រក ត្រូវប្រាកដថា ត្រូវចំហុយឆ្អិនល្អ។
៧- កំណត់ការផឹកកាហ្វេ និងកុំផឹកគ្រឿងស្រវឹង
– ត្រូវផឹកកាហ្វេ ឬតែ គ្មានផ្ទុកជាតិកាហ្វេអ៊ីន។
– ផឹកទឹកឲ្យបានច្រើន កុំផឹកទឹកក្រូច។
– កុំផឹកជាតិអាល់កុល។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet