ប្រទេសឥណ្ឌានឹងចំណាយលុយរាប់កោដិដុល្លារដើម្បីធ្វើកំណែទម្រង់សេដ្ឋកិច្ចនៅក្នុងវិស័យកសិកម្ម និងបង្កើននូវហេដ្ឋារចនាសម្ព័ន្ធ ដើម្បីបង្កើតការងារ និងកាត់បន្ថយពន្ធដល់ប្រជាពលរដ្ឋ។ កត្ដាទាំងអស់នោះ ដើម្បីជំរុញសេដ្ឋកិច្ចរបស់ខ្លួន ដែលធ្លាក់ចុះក្នុងរយៈពេលមួយទស្សវត្សឱ្យមានការកើឡើងវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនេះគឺជាកញ្ចប់ថវិកាមួយក្នុងការបង្កើនប្រាក់ចំណូល និងលើកកម្ពស់នូវការនាំចេញទំនិញបន្ថែម។ លោក Nirmala Sitharan ដែលជារដ្ឋមន្ត្រីក្រសួងហិរញ្ញវត្ថុ បានប្រកាសនូវកញ្ចប់ថវិកាជាតិសម្រាប់ឆ្នាំ២០២០ កាលពីថ្ងៃសៅរ៍នៅក្នុងសភាថា “យើងសូមបញ្ជាក់ថា ថវិកាគឺស្ថិតនៅក្នុងដៃប្រជាពលរដ្ឋរបស់ពួកយើង។ ជាពិសេសសម្រាប់ប្រជាជនដែលមានជីវភាពមធ្យម និងទាប។”
បើតាមលោក Santosh Mehrotra ដែលជាសាស្ត្រាចារ្យផ្នែកសេដ្ឋកិច្ចនៅសាកលវិទ្យាល័យ Jawaharlal Nehru នៃទីក្រុង New Delhi បានឱ្យដឹងថា ទោះបីជាយ៉ាងនេះក្ដី ក្រុមសេដ្ឋវិទូបានប្រមាន “យ៉ាងហោចណាស់ត្រូវចំណាយរយៈពេលយ៉ាងតិចមួយឆ្នាំ ដើម្បីធ្វើកំណែទម្រង់សេដ្ឋកិច្ច។ ហើយនោះហាក់ដូចជាការវាយតម្លៃបែបសុទិដ្ឋិនិយមខ្លាំងពេក។ ហើយលោកក៏បានបន្ថែមទៀតថា “ស្ថានភាពសេដ្ឋកិច្ចបែបនោះនៅតែបន្តមិនល្អដដែល។”