ហាត់ប្រាណហើយ នៅតែមិនស្រកគីឡូ ហេតុអ្វី?

អ្នកអាចមួរម៉ៅនឹងខ្លួនឯងមិនខានដោយសារតែកំហុសសាមញ្ញៗទាំងនេះ។ អ្នកពិតជាញ៉ាំធម្មតា ធ្វើលំហាត់ប្រាណ ហើយនៅតែមិនអាចស្រក់គីឡូមែនទេ?​ ទោះបីអ្នកធ្លាប់មានបទពិសោធន៏យ៉ាងណាក្តី មូលហេតុទាំង៧ខាងក្រោមនឹងប្រាប់អ្នកថាហេតុអ្វីគីឡូរបស់អ្នកនៅតែមិនស្រក?

១. អ្នកទទួលទានអារហារមិនត្រឹមត្រូវ

ប្រសិនបើអ្នកមិនស្រកទម្ងន់ទេ អ្នកគួរមើលទៅលើចំនីក្នុងផ្ទះបាយរបស់អ្នក។ មនុស្សមួយចំនួនបានផ្តោតតែលើការដុតបំផ្លាញជាតិកាឡូរី ហើយមិនមានពេលគិតគូរទៅលើអ្វី (ចំណី) ដែលញ៉ាំនោះទេ។ គួរទទួលទានអារហារដែលមានជាតិម្សៅ ដូចជា ដំឡូង អង្ករសំរូប​ គ្រាប់ធញ្ញជាតិ នៅថ្ងៃដែលអ្នកហាត់ប្រាណប្រើកម្លាំងច្រើនៗ។ សម្រាប់ថ្ងៃសម្រាកឬពេលអ្នកធ្វើ cardio ស្រាលៗសូមព្យាយាមប្រកាន់ខ្ជាប់តែប្រូតេអ៊ីន និងបន្លែហើយមិនញ៉ាំអាហារដែលមានជាតិខ្លាញ់ច្រើននោះទេ។ ជៀសវាងនំប៉័ង ស្ករនិងចំណីកែច្នៃ។ រកមើលអាហារដែលមានគ្រឿងផ្សំតិចបំផុតនៅលើផ្លាកសញ្ញា  ប្រសិនបើអ្នកមិនស្គាល់ពីជាតិផ្សំនោះទេ ប្រហែលជាមិនមែនជាអ្វីដែលអ្នកចង់ដាក់នៅក្នុងខ្លួននោះឡើយ។

២. អ្នកទទួលទានច្រើពេក

ប្រសិនបើអ្នកបានកែប្រែរបបអាហាររបស់អ្នក ហើយអ្នកនៅតែមិនស្រកទម្ងន់ទេនោះ អ្នកប្រហែលជាមកពីញ៉ាំច្រើនពេក។ ដើម្បីឲ្យស្រក់ទម្ងន់បាន មានន័យថាអ្នកត្រូវដុតកាឡូរីឲ្យច្រើនជាងអ្វីដែលអ្នកញ៉ាំ។ ជីវិតគឺធ្វើឲ្យខ្លួនឯងមានតុល្យភាព អ្នកមិនចាំបាច់ដល់ថ្នាក់ទទួលទានដោយរាប់កាឡូរីឬថ្លឹងទម្ងន់ខ្លួនឯងរាល់ថ្ងៃនោះទេ។

ញ៉ាំនៅពេលណាដែលអ្នកឃ្លានហើយញ៉ាំយឺតៗ ដូច្នេះអ្នកអាចឈប់មុនពេលអ្នកឆ្អែត។ ទទួលទានអាហារសម្រន់ដែលមានសុខភាពល្អ និងជួយអ្នកមិនឱ្យញ៉ាំច្រើនពេកសម្រាប់អាហារថ្ងៃត្រង់ និងល្ងាច។ ហើយពេលខ្លះកុំតឹងរឹងនឹងរបបអាហារខ្លួនឯងពេក ឧទាហរណ៍ៈ ញ៉ាំសូកូឡាល្អៗពីលើផ្លែស្ត្របឺរី គ្រាប់ធញ្ញជាតិ នានា ដើម្បីឲ្យអ្នកសប្បាយចិត្តម្តងម្កាល។

៣. អ្នកកំពុងធ្វើ cardio ច្រើនពេក

មែនហើយ cardio គឺជាផ្នែកចាំបាច់មួយនៃទម្លាប់ហាត់ប្រាណរបស់អ្នក។ វាជួយឱ្យបេះដូងរបស់អ្នកមានសុខភាពល្អជួយបង្កើនការរំលាយអាហាររបស់អ្នក និងធ្វើឲ្យអ្នកបញ្ចេញញើសល្អ (អ្នកគួរតែបញ្ចេញជារៀងរាល់ថ្ងៃ) ។ ទោះជាយ៉ាងណាក៏ដោយការធ្វើ cardio ច្រើនពេក អាចបន្ថែមបញ្ហាបាន។ ការហាត់ប្រាណយូរដូចជាការអង្គុយលើឧបករណ៍រាងពងក្រពើរយៈពេល ៩០ នាទីឬការដើរ ១០ ម៉ាយទៀងទាត់អាចធ្វើឲ្យសាច់ដុំគ្មានខ្លាញ់ និងបង្កើនការរំលាយអាហាររបស់អ្នក មានន័យថាអ្នកត្រូវដុតបំផ្លាញកាឡូរីបន្ថែមទៀត។ ជាពិសេសវាបង្កើនចំណង់អាហាររបស់អ្នកកាន់តែខ្លាំងដែលធ្វើឱ្យអ្នកងាយនឹងញ៉ាំអាហារសម្រន់ឬការញ៉ាំលើស។

៤. អ្នកមិនបានហាត់ពីរបៀបលើកទម្ងន់ 

ប្រសិនបើគោលដៅចម្បងរបស់អ្នកគឺការបាត់បង់ជាតិខ្លាញ់នោះមានទម្រង់នៃការធ្វើលំហាត់ប្រាណគឺលើសពីហាត់របៀប Cardio (រត់ឬជិះកង់)។ វិធីល្អបំផុតក្នុងការសម្រកទម្ងន់ និងបង្កើតសាច់ដុំគ្មានខ្លាញ់ដោយអនុវត្តការហ្វឹកហាត់កម្លាំងមួយចំនួនបន្ថែមពីលើ cardio របស់អ្នក។ ប្រសិនបើអ្នកមិនទាន់បានបោះបង់ចោលទម្លាប់នៃការធ្វើលំហាត់ប្រាណរបស់អ្នកទេ សូមព្យាយាមបន្ថែមការបណ្តុះបណ្តាលរយៈពេលខ្លី អនុវត្តវា ខណៈពេលដែលអ្នកហាត់វគ្គប្រចាំថ្ងៃរបស់អ្នក។ គួរធ្វើលំហាត់ទម្ងន់រាងកាយដូចជាការអាវ៉ង់ (Push-up) លំហាត់អង្គុយច្រហោង (Squat) និងលំហាត់សម្រាប់សួតដែលជាលំហាត់ល្អបំផុសម្រាប់ចាប់ផ្តើម។

៥. អ្នកប្រឹងប្រែងហាត់មិនគ្រប់គ្រាន់

ការចំណាយពេលច្រើននៅក្នុងកន្លែងហាត់ប្រាណ តែមិនហាត់ឲ្យខ្ជាប់ខ្ជួននោះវាមិនជួយអ្វីនោះទេ។ ជាមធ្យមអ្នកមិនគួរនៅលើសពីមួយម៉ោងក្នុងមួយថ្ងៃទេ។ អ្នកគួរតែពឹងផ្អែកលើសកម្មភាពនៃការហាត់  ជាជាងពឹងផ្អែកលើពេលវេលា។ សូមចងចាំថា៖ អ្នកហាត់កាន់តែខ្លាំង នោះអ្នកត្រូវការពេលវេលាកាន់តែខ្លី។ នោះធ្វើឲ្យការរំលាយអាហាររបស់អ្នកពន្យារពេលរហូត២៤-៤៨ ម៉ោងបន្ទាប់។

៦. អ្នកមិនបានចំណាយពេលដើម្បីសម្រាក

នៅពេលដែលអ្នកបានហាត់លើលំហាត់ណាមួយហើយ ថ្ងៃបន្ទាប់នោះគឺជាថ្ងៃដែលត្រូវផ្តោតលើក្រុមសាច់ដុំផ្សេងៗគ្នា។ ការងើបឡើងវិញ​​ និងការសំរាកច្រើនតែងសំខាន់ជាងការហាត់ប្រាណទៅទៀត។ វាគឺជាអំឡុងពេលដែលរាងកាយរបស់អ្នកដុតបំផ្លាញជាតិខ្លាញ់ភាគច្រើន។ ដូច្នេះផ្តល់ពេលវេលាឱ្យខ្លួនឯងដើម្បីជាសះស្បើយពេញលេញលើផ្នែកនៃសាច់ដុំណាមួយ រួចអ្នកត្រៀមខ្លួនដើម្បីហាត់នៅថ្ងៃបន្ទាប់។ អ្វីដែលសំខាន់បំផុតគឺស្តាប់រាងកាយរបស់អ្នក ហើយជំរុញខ្លួនអ្នក ប៉ុន្តែក៏ចេះស្រលាញ់ខ្លួនផងដែរ។

៧. រាងកាយរបស់អ្នកស្ថិតនៅក្រោមភាពតានតឹង (Stress) ខ្លាំងពេក

ការធ្វើលំហាត់ប្រាណគឺជួយកាន់បន្ថយកត្តាស្ត្រេសរបស់អ្នក។ ទោះជាយ៉ាងណាក៏ដោយការមិនផ្តល់ពេលវេលាឱ្យរាងកាយរបស់អ្នកឱ្យបានគ្រប់គ្រាន់ដើម្បីជាសះស្បើយក៏អាចជាផលអវិជ្ជមានផងដែរ (សូមមើលចំនុចខាងលើ) អ្នកនឹងចាប់ផ្តើមផលិតបរិមាណអរម៉ូន cortisol ច្រើនពេកដែលជាអរម៉ូនស្ត្រេស។ ជីវិតផ្ទាល់ខ្លួនឬអាជីពដែលស្ត្រេសក៏អាចធ្វើឱ្យរាងកាយរបស់អ្នកផលិតអរម៉ូននេះច្រើនផងដែរ។ នៅពេលដែលអ្នកឈប់ធ្វើលំហាត់ប្រាណរាងកាយរបស់អ្នកឈប់ផលិតអរម៉ូន cortisol ។ ទោះយ៉ាងណាវាប្រហែលជាមិនងាយស្រួលទេក្នុងការបិទស្ត្រេសផ្លូវចិត្តដែលកំពុងកើតឡើងក្នុងជីវិតរបស់អ្នក។ ត្រូវប្រាកដថាអ្នកកំពុងថែរក្សាសុខភាពផ្លូវចិត្ តនិងផ្លូវអារម្មណ៍បន្ថែមលើសុខភាពរាងកាយរបស់អ្នក។