សហរដ្ឋអាមេរិក ​ស្នើសុំការអនុញ្ញាតពីអ៊ីរ៉ាក់​ ដើម្បីដាក់ពង្រាយប្រព័ន្ធការពារមីស៊ីលនៅក្នុងប្រទេសនេះ

វ៉ាស៊ីនតោន៖ អ្នកនាំពាក្យមន្ទីរបញ្ចកោណបាននិយាយកាលពីថ្ងៃព្រហស្បតិ៍នេះថា ​សហរដ្ឋអាមេរិកបានស្នើសុំការអនុញ្ញាត​ពីប្រទេសអ៊ីរ៉ាក់​ ដើម្បីដាក់ប្រព័ន្ធការពារមីស៊ីល​នៅឯមូលដ្ឋាន​ទ័ពរបស់ខ្លួន​ក្នុងន័យការពារការវាយប្រហារពីសំណាក់កងកម្លាំងអ៊ីរ៉ង់ ដូចកាលពីថ្ងៃទី ៨ ខែមករា ដែលបណ្តាលឱ្យកងកម្លាំងយោធារបស់សហរដ្ឋអាមេរិកប្រមាណ​ ៥០នាក់រងរបួសខួរក្បាល​។

រដ្ឋមន្រ្តីក្រសួងការពារជាតិលោក Mark Esper បានប្រាប់សន្និសីទកាសែត​ថា នោះគឺជាបញ្ហាមួយដែលយើងត្រូវដោះស្រាយ​ជាមួយរដ្ឋាភិបាលទីក្រុងបាដាដ។ លោកនិងឧត្តមសេនីយ៍ Mark Milley ដែលជាប្រធាននៃអគ្គសេនាធិការចម្រុះបានបញ្ជាក់យ៉ាងច្បាស់ថា ពួកគាត់ចង់​ដាក់​ដំណើរការប្រព័ន្ធការពារមីស៊ីលនៅក្នុងប្រទេសអ៊ីរ៉ាក់​ ដើម្បីការពារកងកម្លាំងសហរដ្ឋអាមេរិកដែលនៅទីនោះ។

សហរដ្ឋអាមេរិកមានកងទ័ពប្រហែល ៥,០០០ នាក់នៅអ៊ីរ៉ាក់ ដើម្បីទៅបណ្តុះបណ្តាលនិងណែនាំកងកម្លាំង​អ៊ីរ៉ាក់ក្នុងការប្រយុទ្ធប្រឆាំងនឹងក្រុមជ្រុលនិយមដូចជារដ្ឋអ៊ីស្លាម។ ប៉ុន្តែទំនាក់ទំនងនេះហាក់មានភាពរង្គោះរង្គើ​ បន្ទាប់ពីការវាយប្រហារតាមអាកាសរបស់អាមេរិកកាលពីថ្ងៃទី ៣ ខែមករា ដែលបានសម្លាប់លោក Qassem Suleimani ដែលជាឧត្តមសេនីយ៍ដ៏មានឥទ្ធិពលបំផុតរបស់អ៊ីរ៉ង់ នៅឯអាកាសយានដ្ឋានអន្តរជាតិ​ទីក្រុងបាកដាត។

លោកឧត្តមសេនីយ៍ Mark Milley បាននិយាយថា៖

សូមទស្សនាវីដេអូខាងក្រោម៖