ភ្នំពេញ៖ សម័យនេះគ្រប់គ្នារវល់ខ្លាំងណាស់ ចង់ជុំគ្នាម្តងៗណាត់គ្នាមុនរាប់ខែ ហើយទាល់តែមានកម្មវិធីជួបជុំ ឬជប់លៀងសប្បាយៗទើបប្រឹងស្កាត់មករកគ្នា។ ពិបាកជួបគ្នាដល់ម្ល៉ឹង អីចឹងកុំភ្លេចត្រូវតែរៀបចំឲ្យបានល្អ ទើបសប្បាយចិត្តហើយកាន់តែមានន័យ ជម្រើសល្អបំផុត គឺជប់លៀងបែបសាច់អាំង ឬបាប៊ីឃ្យូ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ចំណុចល្អនៃការរៀបចំជប់លៀងបាប៊ីឃ្យូ គឺអ្នកចូលរួមទាំងអស់អាចជួយគ្នាមួយដៃមួយជើងបាន ញុំាបណ្ដើរ អាំងបណ្ដើរ ជជែកគ្នាលេងបណ្ដើរ ដែលអាចបង្កើតភាពស្និតស្នាលរវាងគ្នា និងធ្វើឲ្យបរិយាកាសកាន់តែសប្បាយរីករាយមួយកម្រិតទៀត។
ក្រៅពីត្រូវលាងបន្លែដោយយកចិត្តទុកដាក់ឲ្យបានស្អាតល្អ ការប្រឡាក់សាច់ឲ្យចាប់ជាតិឆ្ងាញ់ពិសាក៏សំខាន់ណាស់ដែរ។ ធ្វើបាប៊ីឃ្យូត្រូវជ្រើសយកសាច់ចំឡក ទើបអាំងទៅផុយស្រួលញុំា។ ហើយរបៀបប្រឡាក់មិនពិបាកដូចគិតទេ គឺគ្រាន់តែត្រូវប្រើទឹកប្រេងខ្ចង ស្ករបន្តិច (បើចូលចិត្តផ្អែម) និងម្ស៉ៅស៊ុបខ្នររសជាតិសាច់ជ្រូក។ ច្របល់ចូលគ្នាឲ្យសព្វ ទុកចោល១៥នាទី ឲ្យជ្រាបជាតិចូលគ្នាសឹមយកមកអាំង៕
តោះ! មកមើលរបៀបប្រឡាក់សាច់គោចង្កាក់បែបបាប៊ីឃ្យួ ជាមួយម្ស៉ៅស៊ុបខ្នរ (រសជាតិសាច់ជ្រូក) ធ្វើឲ្យសាច់ចូលជាតិឆ្ងាញ់ ញុំាជក់មាត់ និងមានរសជាតិឈ្ងុយឆ្ងាញ់ទាំងអស់គ្នា៖
Bong I.T