ដំបូងយើងចាប់ផ្តើមពីមនុស្សមិនស្គាល់គ្នា។ ជួនជាពេលមួយ ភាពជាមិត្តក៏ចាប់ផ្តើមឡើង។ ឈានដល់ទំនាក់ទំនងស្និទ្ធស្នាលជាមួយគ្នា គេហាក់ផ្តល់ក្តីសង្ឃឹមឲ្យយើង។ យើងចាប់ផ្តើមមានអារម្មណ៍ថាខ្លួនមានសំណាងណាស់ដែលបានស្គាល់គេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយើងញញឹមពេលទទួលបានការផ្ញើសារពីគេ ពេលខ្លះឃើញត្រឹមរូបថតដែលគេបង្ហោះក្នុងហ្វេសប៊ុក យើងក៏រំភើបពោរពេញដោយក្តីសុខ។ គេផ្ញើសារមករាល់ថ្ងៃ សួរសុខទុក្ខ សួរពីការញ៉ាំបាយទៀងទាត់ឬអត់ និងជួបគ្នាញឹកញាប់។ គេតែងសុំឲ្យយើងនៅក្បែរគេ ហាក់ដូចជាគេកំពុងមានបញ្ហាខូចចិត្តជាមួយនរណា។ យើងក៏ព្យាយាមនិយាយពាក្យល្អៗ ដើម្បីលើកទឹកចិត្តគេ។ ពេលគេសើច យើងក៏សើច ពេលគេខូចចិត្ត យើងក៏ទៅជាមួយគេដែរ។
តែក្រោយមកត្រឹមរយៈពេលខ្លីសោះ មិនដល់កន្លះឆ្នាំផង គេក៏ប្រែប្រួលដូចផ្លេកបន្ទោរមិនគួរឲ្យជឿ។ គេលែងផ្ញើសារមកញឹកដូចមុន គេមិនបបួលយើងចេញក្រៅដូចពីមុន ហើយពេលខ្លះគេមិន សូម្បីមើលសារ ដែលយើងផ្ញើទៅ។
គេប្តូរ៣៦០ដឺក្រេ យើងតាមសឹងមិនទាន់។ តែពេលមួយដែលយើងជួបគ្នាដោយចៃដន្យ ខណៈគេកំពុងនៅជាមួយ មនុស្សម្នាក់ផ្សេងទៀត គេហាក់ហីជាមួយយើងដូចមនុស្សមិនស្គាល់គ្នា។ យើងសួរគេ ថាយើងខុសអី? ចម្លើយពីគេ គឺយើងមិនមានកំហុស។ គេថា គេគ្រាន់តែមិនចង់រំខានយើងបន្ត។ ចុះកន្លងមកហេតុអី គេនិយាយជាមួយយើង ដូចមនុស្សស្និទ្ធស្នាល? គេទុកយើងជាអី?
ស្គាល់មុខ តែមិនស្គាល់ចិត្ត។ យើងតាមគេសឹងមិនទាន់ ហើយក្រោយគេឈប់ពិបាកចិត្ត គេក៏ទុកយើងចោល ចាត់ទុកថាជាបទពិសោធន៍ សង្ឃឹមថាលើកក្រោយ យើងមិនល្ងង់ដូចលើកនេះ៕