ស្ទាវនៅប៉ុណ្ណឹង? នាយក្រឹម និងយាយយ៉យ លេងខ្លួនឡើងប្លែក មើលមិនចង់ស្គាល់ ត្រៀមក្នុងបទថ្មី ពេជ្រ សោភា

ភ្នំពេញ៖ ប្រិយមិត្តប្រាកដជាបានស្គាល់ ពីតារាកំប្លែងជើងចាស់ នាយក្រឹម និងអ្នកមីងយ៉យ ដែលអ្នកទាំងពីរ ពិតជាមានភាពល្បីល្បាញ មហាជនជាច្រើនដែលចូលចិត្ត និងស្រលាញ់នៅស្នាដៃសម្ដែងរបស់អ្នកទាំងពីរ ។

យ៉ាងណាមិញ បើទោះបីជា តារាទាំង២ដួងនេះបានចូលសិល្បៈ និងមានអាយុច្រើនយ៉ាងណាក្ដី តែបើនិយាយពីប្រជាប្រិយភាពរបស់អ្នកទាំងពីរវិញ ពិតជាគួរឲ្យសរសើរដែលពួកគាត់អាចរក្សានៅកេរ្តិ៍ឈ្មោះ និងប្រជាប្រិយភាពឲ្យនៅបានដដែល ឬអាចនិយាយបានថា ពួកគាត់កាន់តែមានទីផ្សារច្រើនជាងមុនក្នុងវិស័យសិល្បៈ ។

ជាក់ស្ដែងថ្មីៗនេះគណនី Instagram របស់ ពេជ្រ សោភា បានបង្ហោះ រូបនាងជាមួយ នាយ ក្រឹម និងអ្នកមីង យ៉យ ដែលមើលមួយភ្លែតពិតជាមានភាពស្អាតប្លែកភ្នែក សឹងតែមើលអ្នកទាំងបីមិនស្គាល់ ជាពិសេសគឺ នាយក្រឹម និង អ្នកមីង យ៉យ ជាមួយនឹងការតែងខ្លួនបែបយុវវ័យ ដែលកំពុងត្រៀមថតនៅបទថ្មីផងដែរ ៕

សូមទស្សនារូបភាពខាងក្រោម៖