អង់គ្លេស៖ ខ្សែបម្រើឆ្នើម Bruno Fernandes ខិតជិតក្នុងការផ្ទេរពីក្លិប Sporting Lisbon មកកាន់ក្លិបបិសាចក្រហម Manchester United ហើយ ក្នុងតម្លៃ ៦៨លានផោន (ឬប្រមាណ៨៨លានដុល្លារ) បន្ទាប់ពីក្លិបទាំងពីរព្រមព្រៀងគ្នាក្នុងតម្លៃនេះ។

ក្រោយធ្វើការចរចាអស់រយៈពេលជាច្រើនសប្ដាហ៍មក អនុប្រធានប្រតិបត្តិរបស់ក្លិបបិសាចក្រហមលោក Ed Woodward បានឈានដល់កិច្ចព្រមព្រៀងមួយជាមួយលោក Hugo Viana ដែលជានាយកប្រតិបត្តិរបស់ក្រុម Sporting ដោយខាង Man UTD បានយល់ព្រមបង់ ៤៦,៥៦លានផោន (ប្រហែល៦០លានដុល្លារ) បូករួមជាមួយនឹងប្រាក់​លើក​ទឹកចិត្ត​ផ្សេង​ទៀតសម្រាប់ Fernandes ដែលកិច្ចព្រមព្រៀងអាច​ឡើង​ដល់ ៦៧,៧លានផោន (ឬប្រមាណ៨៨លានដុល្លារ)។

កីឡាករ Bruno Fernandes

ភាគីខាង Sporting នឹងទទួលបាន ១១លានដុល្លារបន្ថែមពី​ Man UTD ប្រសិនបើ Fernandes ជួយក្លិបសម្រេចគោលដៅងាយស្រួលណា​មួយ។ ហើយប្រសិនបើជម្រើសជាតិព័រទុយហ្កាល់រូបនេះ អាចជួយក្លិបសម្រេចគោលដៅកាន់តែលំបាកណាមួយបានទៀត នោះ Sporting នឹងទទួលបាន១៦,៥លានដុល្លារបន្ថែមទៀត។

Bruno Fernandes លេងឲ្យជម្រើសជាតិ

បើយោងតាមការបញ្ជាក់របស់កាសែត Sky Sports បានឲ្យដឹងថា ខាង Sporting កំពុងរង់ចាំរាល់ឯកសារទាក់ទងទាំងអស់មកដល់ ដើម្បីត្រួតពិនិត្យ មុនពេលចុះហត្ថលេខាទៅលើកិច្ចព្រមព្រៀងក្នុងការផ្ទេរ Fernandes ទៅកីឡដ្ឋាន Old Trafford។ ខណៈឧបសគ្គដែលនៅសេសសល់ចំពោះកិច្ចព្រមព្រៀងនេះ គឺនៅតែការពិនិត្យផ្ទៀងផ្ទាត់ទៅលើផ្នែកច្បាប់ប៉ុណ្ណោះ។

Bruno Fernandes

ប្រភពដដែលបានបន្ថែមទៀតថា Fernandes ទំនងធ្វើដំណើរទៅធ្វើតេស្តសុខភាពនៅថ្ងៃពុធសប្ដាហ៍នេះ ប៉ុន្តែដំណើរការនេះអាចឈានដល់ថ្ងៃព្រហស្បតិ៍ អាស្រ័យលើថាតើឯកសារក្នុងការផ្ទេរនឹងបញ្ចប់ទៅលឿនប៉ុណ្ណា៕

ប្រភព​​​៖ skysports

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ