អ៉ីតាលី៖ ក្លិប Inter Milan បានសម្រេចកិច្ចព្រមព្រៀង ចុះកុងត្រាយកខ្សែបម្រើ Christian Eriksen ពីក្លិប Tottenham Hotspur ត្នុងតម្លៃផ្ទេរប្រមាណ ១៦,៩លានផោន (ឬប្រហែល២២លានដុល្លារ)។ ជម្រើសជាតិដាណឺម៉ាក បានចុះកុងត្រារួមរស់ជាមួយ Inter រហូតដល់ ថ្ងៃទី៣០ ខែមិថុនា ឆ្នាំ២០២៤ (៤ឆ្នាំកន្លះ)។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស???? | SHIRT
— Inter (@Inter_en) January 28, 2020
The shirt number selected by @ChrisEriksen8! ????⚫️????#WelcomeChristian #NotForEveryone pic.twitter.com/fhUFcaFXlL
Eriksen បានប្រាប់ Spurs កាលពីរដូវក្ដៅថា រូបគេចង់ស្វែងរកការប្រកួតប្រជែងថ្មី ខណៈកិច្ចសន្យារបស់គេជាមួយក្លិបនឹងផុតកំណត់នៅពេលបញ្ចប់រដូវកាល។
បន្ទាប់ពីក្ដីសង្ឃឹមក្នុងការផ្លាស់ទៅលេងនៅទឹកដីអេស្ប៉ាញបរាជ័យ Eriksen បានចាប់ផ្ដើមរដូវកាលជាមួយនឹង Spurs ដោយបង្ហាញខ្លួនរាល់កម្មវិធីទាំងអស់ បាន២៨ប្រកួតក្នុងរដូវកាលនេះ។
និយាយជុំវិញការចូលរួមជាមួយក្លិបថ្មី Inter Milan ខ្សែបម្រើវ័យ២៧ឆ្នាំ បានលើកឡើងពីអារម្មណ៍របស់ខ្លួនថា៖
ខ្ញុំពិតជារំភើបណាស់ ហើយសឹងតែមិនអាចរង់ចាំក្នុងការណែនាំខ្លួនទៅកាន់អ្នកគាំទ្រ។ ពួកគេបានផ្ដល់ភាពកក់ក្ដៅមកកាន់ខ្ញុំ វាជាការស្វាគមន៍ដ៏អស្ចារ្យ។ ខ្ញុំពិតជាមានអារម្មណ៍សប្បាយរីករាយណាស់។ មនុស្សជាច្រើននិយាយថា ខ្ញុំធ្វើបានល្អនៅអង់គ្លេស។ ហើយនេះវាជាពេលដែលខ្ញុំត្រូវចាប់ផ្ដើមការប្រកួតប្រជែងថ្មី ខ្ញុំពិតជាសប្បាយរីករាយដែលមានឱកាសលេងនៅ Serie A ឲ្យក្រុមមួយដ៏ធំ។ Inter ជាក្លិបដ៏អស្ចារ្យ។
គួរឲ្យដឹងដែរថា បច្ចុប្បន្ន Inter Milan កំពុងឈរចំណាត់ថ្នាក់លេខ២ក្នុងក្របខណ្ឌ Serie A តាមពីក្រោយក្រុមកំពូលតារាង Juventus តែ៣ពិន្ទុប៉ុណ្ណោះ។ យ៉ាងណាមិញក្នុងទីផ្សារដោះដូរខែមករានេះ Inter ទើបតែយកបានកីឡាករនៅ Premier League ២រូបមកចូលរួមក្រុមផងដែរ រួមមានខ្សែការពារស្លាប Ashley Young ពី Man UTD និងកីឡាករ Victor Moses ពីក្រុមតោខៀវ Chelsea៕
ប្រភព៖ bbc
Bong I.T