យន្តហោះមួយគ្រឿងរបស់ក្រុមហ៊ុនអាកាសចរ Ariana Airlines ដែលដឹកអ្នកដំណើរចំនួន ៨៣ នាក់បានធ្លាក់នៅភាគខាងកើត ខេត្ត Ghazni នៃប្រទេសអាហ្វហ្គានីស្ថាននាពេលល្ងាចថ្ងៃនេះ។ អាកាសចរនេះបានបដិសេធថា យន្តហោះដែលធ្លាក់នេះមិនមែនជារបស់ខ្លួននោះទេ ហើយរបាយការណ៍មួយចំនួនគិតថានេះជាយន្តហោះរបស់កងទ័ពអាកាសប្រទេសអាហ្វហ្គានីស្ថានទៅវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកន្លែងធ្លាក់យន្តហោះជាកន្លែងដែលត្រួតត្រាដោយក្រុមឧទ្ទាមតាលីបង់ ដូចនេះវាពិបាកដល់អាជ្ញាធរក្នុងការចូលទៅដល់ទីតាំង។ យន្តហោះនេះត្រូវបានគេដឹងថា កំពុងធ្វើដំណើរពីក្រុង Herat ទៅ Kabul ក្នុងប្រទេសអាហ្វហ្គានីស្ថាន នៅពេលដែលវាធ្លាក់ចុះមក។ យើងនៅមិនទាន់ដឹងថា មានអ្នកណានៅលើយន្តហោះដែលរស់រានមានជីវិតនៅឡើយទេ។ សូមបញ្ជាក់ផងដែរថាអាកាសចរ Ariana ជាអាកាសចរដែលធំបំផុតក្នុងប្រទេស និងដើរតួជាអាកាសចររបស់ជាតិទៀតផង៕
ប្រភព៖ Dailystar