បារាំង៖ យោងតាមសេចក្ដីរាយការណ៍បានឲ្យដឹងថា ក្លិប Paris Saint-German មានបំណងចង់ផ្ទេរយក ខ្សែប្រយុទ្ធឆ្នើមរបស់ក្រុមក្លិបកាំភ្លើងធំ Arsenal កីឡាករ Pierre-Emerick Aubameyang ទៅកាន់ក្របខណ្ឌ Ligue 1 ដើម្បីជំនួសខ្សែប្រយុទ្ធ Edinson Cavani។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សAumbameyang មានទំនាក់ទនងចាកចេញពីក្រុមកាំភ្លើងធំក្នុងរដូវកាលនេះ ប៉ុន្តែខ្សែប្រយុទ្ធវ័យ៣០ឆ្នាំ ត្រូវគេមើលរាយការណ៍ថាទំនងដល់ទីផ្សារដោះដូររដូវក្ដៅទើប Arsenal យល់ព្រមឲ្យចាកចេញ។
បើយោងតាមរបាយការណ៍របស់កាសែត FootMercato បានឲ្យដឹងថា PSG បានជួបពិភាក្សាជាមួយ Arsenal ជុំវិញលទ្ធភាពក្នុងការផ្ទេរខ្សែប្រយុទ្ធជម្រើសជាតិហ្កាបុងក្នុងលក្ខខណ្ឌខ្ចីជើង រហូតដល់បញ្ចប់រដូវកាលជាមួយនឹងជម្រើសទិញផ្ដាច់ ដើម្បីទៅជំនួសខ្សែបយុទ្ធវ័យ៣២ឆ្នាំកីឡាករ Cavani ដែលទើបស្នើចាកចេញពីក្លិបកាលពីពេលថ្មីៗនេះ។
កុងត្រារបស់ Cavani នៅ PSG នឹងផុតកំណត់នៅរដូវក្ដៅខាងមុខ ដោយបច្ចុប្បន្នមានក្លិបធំៗនៅអឺរ៉ុបមួយចំនួនកំពុងតាមចែចូវរូបគេ រួមមាន Chelsea, Manchester United និង Atletico Madrid។
ប្រភពដដែលបានបន្ថែមទៀតថា ប្រសិន Cavani ចាកចេញត្រឹមពាក់កណ្ដាលរដូវកាលនេះ នោះ Aubameyang នឹងក្លាយជាគោលដៅកំពូលរបស់ក្រុម PSG។
គួរឲ្យដឹងដែរថា ក្នុងរដូវកាលនេះ Aubameyang បង្ហាញទម្រង់ប្រយុទ្ធបានយ៉ាងល្អ ជាក់ស្កែងរូបគេកំពុងឈរក្នុងចំណាត់ថ្នាក់លេខ៤ ក្នុងនាមជាកីឡាករដែលស៊ុតបញ្ចូលទីបានច្រើនជាងគេ នៅក្របខណ្ឌ Premier League គិតត្រឹមសប្ដាហ៍ទី២៤នេះ ដោយរកបាន១៤គ្រាប់៕
ប្រភព៖ express