បារាំង៖ បន្ទាប់ពី អ្នកនាង សួស វីហ្សា ដែលជាតារាចម្រៀងស្រី ដ៏មានប្រជាប្រិយភាព បានបញ្ចប់ភាពនៅលីវ រៀបការជាមួយស្វាមីជាអ្នកសិល្បៈដូចគ្នា លោក ថមមី រួចមកពួកគេទាំងពីរ បានធ្វើឲ្យហ្វេនៗ ចាំតាមដានពីជីវិតគូជានិច្ច។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះដែរ គេឃើញថា សួស វីហ្សា និងស្វាមី មានជីវិតស្នេហាពោរពេញ ដោយភាពផ្អែមល្ហែមណាស់ ហើយសព្វថ្ងៃកំពុងសំងំសោយសុខដំណើរកម្សាន្តក្រេបទឹកឃ្មុំរយៈពេលវែង ខាងប៉ែកអឺរ៉ុបឯណោះ និងបានបង្ហោះរូបភាពបង្អួតសកម្មភាពស្វីតៗជានិច្ច។
ជាក់ស្ដែង កាលពីពេលប៉ុន្មានម៉ោងមុននេះ ស្របពេលដែលថ្ងៃនេះ ជាពិធីបុណ្យចូលឆ្នាំចិន លោក ថមមី បានជូនភរិយាជាទីស្រលាញ់ ដើរផ្សារនៅស្រុកគេ ទិញសុទ្ធតែរបស់ប៊្រេនៗ មានតម្លៃកប់ពពក ហើយរូបលោកឈរចាំចេញលុយឲ្យ និងជួយយួរទៀត មិនរអ៊ូសូម្បីមួយម៉ាត់។
ក្រោយពីឃើញបែបនេះភ្លាម មានហ្វេនៗជាច្រើន បានសរសើរនិងប្រាថ្នាចង់បាន ស្នេហាដ៏រ៉ូមែនទិចដូច វីហ្សា និងថមមី ខ្លាំងណាស់ ហើយគិតថាតារាស្រីរូបនេះ ពិតជាមានសំណាងមែន ដែលស្វាមីតាមយល់ចិត្តគ្រប់ជំហ៊ានបែបនេះ៕