អត្ថប្រយោជន៍ ៧ យ៉ាងរបស់ផ្លែស្រកានាគ ៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. មានសារធាតុចិញ្ចឹមខ្ពស់
ផ្លែស្រកានាគមានកាឡូរីទាប ប៉ុន្តែសំបូរទៅដោយវីតាមីន និងសារធាតុរ៉ែដ៏ចាំបាច់ ហើយវាក៏ផ្ទុកបរិមាណជាតិសរសៃខ្ពស់ច្រើនផងដែរ។
២. អាចជួយប្រឆាំងនឹងជំងឺរ៉ាំរ៉ៃ
ផ្លែស្រកានាគមានសារធាតុប្រឆាំងអុកស៊ីតកម្មដ៏មានប្រសិទ្ធភាពដោយបន្សាបរ៉ាឌីកាល់សេរី ដូច្នេះវាអាចការពារការបំផ្លាញកោសិកា និងការរលាក។ ការសិក្សាបានបង្ហាញថារបបអាហារដែលមានសារធាតុប្រឆាំងអុកស៊ីតកម្មខ្ពស់អាចជួយការពារជំងឺរ៉ាំរ៉ៃ ដូចជាជំងឺបេះដូង ជំងឺមហារីក ទឹកនោមផ្អែម និងជំងឺរលាកសន្លាក់។
៣. ផ្ទុកដោយជាតិសរសៃខ្ពស់
ជាតិសរសៃប្រហែលជាត្រូវបានគេស្គាល់យ៉ាងច្បាស់ចំពោះតួនាទីរបស់វាក្នុងការរំលាយអាហារ ហើយស្រាវជ្រាវបានបង្ហាញថា វាក៏អាចដើរតួក្នុងការការពារប្រឆាំងនឹងជំងឺបេះដូង គ្រប់គ្រងជំងឺទឹកនោមផ្អែមប្រភេទ២ និងរក្សាទម្ងន់ និងរាងកាយរបស់អ្នកឱ្យមានសុខភាពល្អផងដែរ។
៤. ពង្រឹងប្រព័ន្ធភាពស៊ាំរបស់អ្នក
សមត្ថភាពរាងកាយរបស់អ្នកក្នុងការប្រយុទ្ធប្រឆាំងនឹងការឆ្លង ត្រូវបានកំណត់ដោយកត្តាផ្សេងៗគ្នារួមទាំងគុណភាពនៃរបបអាហាររបស់អ្នក។ ហើយវីតាមីន C និង carotenoids នៅក្នុងផ្លែស្រកានាគអាចជួយបង្កើនប្រព័ន្ធភាពស៊ាំរបស់អ្នក និងការពារការឆ្លងគឺតាមរយៈការពារកោសិកាឈាមសរបស់អ្នកពីការខូចខាត ។
៥. អាចបង្កើនកំរិតជាតិដែក
ផ្លែឈើស្រកានាគគឺជាផ្លែឈើស្រស់មួយក្នុងចំណោមផ្លែឈើស្រស់ដែលផ្ទុកជាតិដែក ដែលជាតិដែកដើរតួនាទីយ៉ាងសំខាន់ក្នុងការបញ្ជូនអុកស៊ីសែននៅក្នុងរាងកាយរបស់អ្នក។ វាអាចប្រឆាំងនឹងកម្រិតជាតិដែកទាប ដែលមានសារៈសំខាន់ណាស់ក្នុងការទទួលទានអាហារដែលមានជាតិដែកច្រើនប្រភេទ ហើយអាហារដែលជាប្រភពសម្បូរជាតិដែលរួមមាន សាច់ ត្រី បន្លែ ផ្លែឈើ និងគ្រាប់ធញ្ញជាតិ។
៦. មានម៉ាញ៉េស្យូមខ្ពស់
ផ្លែស្រកានាគមានជាតិម៉ាញ៉េស្យូមខ្ពស់អាចកាត់បន្ថយហានិភ័យនៃជំងឺបេះដូង និងជំងឺដាច់សរសៃឈាមខួរក្បាល ។ ការសិក្សាក៏បង្ហាញផងដែរថា របបអាហារដែលមានជាតិម៉ាញ៉េស្យូមគ្រប់គ្រាន់ជួយដល់សុខភាពឆ្អឹងផងដែរ ។
៧. ថែរក្សាស្បែក
ផ្លែស្រកានាគធ្វើឱ្យស្បែកស្រស់ថ្លា និងសម្រស់របស់អ្នកស្រស់ស្អាត ដោយសារតែវាអាចប្រឆាំងអុកស៊ីតកម្មខ្ពស់ក៏ដូចជាមានវីតាមីន។ ហើយវាអាចជួយក្នុងការបន្ថយភាពចាស់ ដែលធ្វើឱ្យអ្នកមើលទៅក្មេងជាងវ័យ។