អេស្ប៉ាញ៖ ក្លិបមកពីលីគលំដាប់ទី៣របស់ប្រទេសអេស្ប៉ាញ Unionistas ក្នុងនាមជាម្ចាស់ផ្ទះបានបើកទ្វារកីឡដ្ឋាន Pistas del Helmántico តតាំងជាមួយក្រុមភ្ញៀវអធិរាជស Real Madrid ក្នុងការប្រកួតពានរង្វាន់ Copa del Rey វគ្គ៣២ជើងទី១ កាលពីរាត្រីថ្ងៃពុធម្សិលមិញនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងការប្រកួតដ៏ជក់ចិត្តនេះ ក្រុមភ្ញៀវ Real Madrid ធ្វើបានយ៉ាងល្អ ដោយមានឱកាសស៊ុតបើកឆាកនាំមុខមុនតាំងពីនាទីទី១៨ ដោយការដក់ទ្រូងទម្លាក់ស៊ុតបញ្ចូលទីបានយ៉ាងល្អពីសំណាក់ខ្សែប្រយុទ្ធសញ្ជាតិវ៉េល Gareth Bale។ ការប្រកួតអូសបន្លាយរហូតដល់នាទី៥៧ ទើបក្រុមម្ចាស់តដៃបាន១គ្រាប់មកវិញ រកបានដោយខ្សែបម្រើស្លាបឆ្វេង Alvaro Romero។
រំលងបានបានប្រមាណ៥នាទីក្រុមលោក Zidane ក៏បង្កើតការនាំមុខសាជាថ្មី បន្ទាប់ពីខ្សែការពារក្រុម Unionistas កីឡាករ Juan Gongora ភ្លាត់ស្នៀតធ្វើឲ្យចូលទីខ្លួនឯង។ លុះមកដល់នាទី៩០ អតីតខ្សែបម្រើស្លាបវ័យក្មេងរបស់ Man City កីឡាករ Brahim Diaz ក៏បន្ថែម១គ្រាប់ទៀតឲ្យ Real Madrid តាមរយៈការអូសបាល់ជ្រែកខ្សែការពារស៊ុតបញ្ចូលទីយ៉ាងអស្ចារ្យ។
ដូច្នេះ ក្រោយបញ្ចប់៩០នាទីក្រុមម្ចាស់ផ្ទះ Unionistas បានរងបរាជ័យក្រោមថ្វីជើងក្រុមជើងឯក La Liga ៣៣សម័យ Real Madrid ក្នុងលទ្ធផល១ទល់នឹង៣៕
ចង់ឃើញាការស៊ុតបញ្ចូលទីរបស់ Real Madrid អស្ចារ្យយ៉ាងណានោះ សូមទស្សនាវីដេអូខាងក្រោម៖