អេក្វាទ័រ៖ កាលពីថ្ងៃទី១៨ ខែមករាកន្លងទៅនេះ អ្នកគាំទ្រកីឡាបាល់ទាត់ម្នាក់ឈ្មោះ Deyvi Andrade ត្រូវកាមេរ៉ាថតជាប់សកម្មភាពថើបគ្នាជាមួយនឹងស្រីស្នេហ៍ ខណៈពេលកំពុងអង្គុយទស្សនាការប្រកួតរវាង Barcelona SC និង Delfin។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមវីដេអូបានបង្ហាញឲ្យឃើញថា លោក Deyvi Andrade បានកៀកស្មានារីម្នាក់ដែលអង្គុយក្បែរគាត់ ហើយថើបមាត់របស់នាងយ៉ាងស្និទ្ធស្នាល។ បន្ទាប់ពីដឹងថាកាមេរ៉ាកំពុងចាប់យកទិដ្ឋភាព គាត់ក៏ងាកមុខចេញពីនារីម្នាក់នោះភ្លាម ហើយធ្វើឬកពារដូចជាមិនដែលស្គាល់គ្នាពីមុនមកអីចឹង។
ក្រោយពីវីដេអូនោះល្បីល្បាញរួចមក បានធ្វើឲ្យទំនាក់ទំនងរបស់លោក Deyvi Andrade ជាមួយនឹងប្រពន្ធត្រូវបញ្ចប់ ហើយគាត់ក៏បានទទួលស្គាល់ដែរថា គាត់លួចផិតក្បត់ប្រពន្ធទៅមានស្រីថ្មីពិតមែន។
យ៉ាងណាមិញ លោក Deyvi Andrade បានបង្ហោះសារមួយទៅលើបណ្ដាញសង្គម ដើម្បីបង្ហាញពីការសុំទោសទៅដល់ប្រពន្ធជាសាធារណៈ និងអង្វរឲ្យវិលត្រលប់មករកគាត់វិញទៀតផង៕
សូមទស្សនារូបភាពនិងវីដេអូខាងក្រោម៖