មានវ័យត្រឹមតែ១៦ឆ្នាំ ប៉ុន្តែ Man UTD ហា៊នដាក់សំណើលើស ៤០លាន ដើម្បើចរចាយកកីឡាករម្នាក់នេះ

អង់គ្លេស៖ ក្លិបបាល់ទាត់បិសាចក្រហម Manchester United ត្រូវបានគេរាយការណ៍មកថាបានដាក់សំណើលើស ៣០លានផោនទៅលើកីឡាករវ័យ១៦ឆ្នាំ Jude Bellingham។ ខ្សែបម្រើវ័យក្មេងរបស់ Birmingham City ម្នាក់នេះបង្ហាញខ្លួនឲ្យក្រុមរបស់គេចំនួន ២៥ប្រកួតហើយនៅរដូវកាលនេះ។ 

បើតាមការចុះផ្សាយរបស់សារព័ត៌មាន The Sun បិសាចក្រហមពេលនេះបានបង្ហាញការចាប់អារម្មណ៍មកលើខ្សែបម្រើរូបនេះ និងបានរៀបចំសំណើរួចរាល់ប្រមាណជា ៤០លានដុល្លារដើម្បីនាំយក Bellingham មកកាន់កីឡដ្ឋាន Old Trafford។ 

អ្នកចាត់ការទូទៅរបស់ Man UTD លោក Ole Gunnar Solskjaer កំពុងតែរហ័សដៃរហ័សជើងក្នុងការនាំចូលខ្សែបម្រើសម្រាប់ទីផ្សារខែមករានេះ បន្ទាប់ពីបាត់បង់ខ្សែបម្រើសំខាន់២រូបគឺ Paul Pogba និង Scott McTominay ដោយសារតែបញ្ហារបួស។ 

បន្ថែមលើសពីនេះ Man UTD ក៏បានបញ្ជូនជំនួយការគ្រូបង្វឹកលោក Mike Phelan ឲ្យទៅតាមដាន និងសង្កេតយ៉ាងយកចិត្តទុកដាក់ចំពោះការលេងរបស់ Bellingham នៅរដូវកាលនេះផងដែរ។ 

គួរឲ្យដឹងដែរថា ក្រោពី Manchester United នៅមានបណ្ដាក្លិបធំៗជាច្រើនទៀតដែលចាប់អារម្មណ៍ចង់នាំយក Bellingham ក្នុងនោះមានដូចជា Liverpool, Manchester City, Arsenal, Bayern Munich និង Borussia Dortmund៕

ប្រភព៖ DailyMail