ញាក់មួយ-ពីរ ហើយស៊ុតជើងឆ្វេងល្អណាស់! ទៅមើលគ្រាប់បាល់ដែល Lukaku ស៊ុតឈ្នះពានគ្រាប់បាល់ល្អជាងគេប្រចាំក្រុម Inter ក្នុងខែធ្នូ (មានវីដេអូ)

អ៉ីតាលី៖ ក្លិប Inter Milan បានប្រកាសពីបេក្ខភាពដែលឈ្នះពានរង្វាន់ គ្រាប់បាល់ល្អប្រចាំខែធ្នូ ឆ្នាំ២០១៩ លើគណនី Twitter ផ្លូវការរបស់ខ្លួនកាលពីម្សិលមិញនេះ។

ក្នុងនោះសមាជិករបស់ Inter បានបោះឆ្នោតជ្រើសរើសគ្រាប់បាល់ទី២របស់ខ្សែប្រយុទ្ធ Romelu Lukaku ក្នុងការប្រកួតយកឈ្នះក្រុម Genoa ៤-០ ជាគ្រាប់បាល់ល្អប្រចាំខែ។

ជម្រើសជាតិប៊ែលហ្សិករូបនេះ បានផ្ទេរពី Man UTD មកចូលរួមជាមួយ ​Inter ក្នុងតម្លៃបំបែកកំណត់ត្រា ៧៥លានអឺរ៉ូ (ឬប្រមាណ ៨៣លានដុល្លារ) កាលពីទីផ្សារដោះដូររដូវក្ដៅឆ្នាំមុន។

យ៉ាងណា ក្នុងរដូវកាលនេះ Lukaku បានបង្ហាញទម្រង់លេងយ៉ាងលេចធ្លោ ជាក់ស្ដែងក្នុងការបង្ហាញខ្លួន២៦ប្រកួតកន្លងទៅ គិតរាល់កម្មវិធីទាំងអស់ រូបគេស៊ុតបាន១៨គ្រាប់ និង Assist ឲ្យមិត្តរួមក្រុមបាន៤ដង៕

បើចង់ឃើញគ្រាប់បាល់របស់ ​Lukaku អស្ចារ្យយ៉ាងណានោះ សូមទស្សនាវីដេអូខាងក្រោម៖

ប្រភព៖ AF