សៀង ចន្ធា របួស ខណៈបឹងកេត បានត្រឹមជាជើងឯករង ក្រោយចាញ់ក្រុមរបស់ម៉ាឡេស៊ី វគ្គផ្ដាច់ព្រ័ត្រ (មានវីដេអូ)

ឥណ្ឌូនេស៊ី៖ ក្លិបបាល់ទាត់បឹងកេតរបស់កម្ពុជាបានត្រឹមជាជើងឯកពានរង្វាន់មិត្តភាពអន្តរជាតិមុនបើករដូវកាល Edy Rahmayadi Cup 2020 ក្រោយប្រកួតចាញ់ក្រុមរបស់ប្រទេសម៉ាឡេស៊ី Felda United ដោយលទ្ធផល ១ទល់នឹង០ នៅក្នុងវគ្គផ្ដាច់ព្រ័ត្រកាលពីថ្ងៃសៅរ៍។

លទ្ធផលបញ្ចប់វគ្គទី១ ៤៥នាទី ក្រុមទាំងពីរមិនអាចទម្លុះសំណាញ់ទីគ្នាបាននោះទេ ពោលគឺបញ្ចប់ទៅដោយស្មើគ្នា 0-0។ ចូលដល់វគ្គទី២ទើប Felda United អាចរកគ្រាប់បាល់បាន និងរក្សាលទ្ធផល ១-០ រហូតដល់បញ្ចប់ការប្រកួត៩០នាទី និងក្លាយជាជើងឯកពានរង្វាន់ Pre-Season មួយនេះតែម្ដង។

អ្វីដែលគួរឲ្យចាប់អារម្មណ៍សម្រាប់ការប្រកួតនោះគឺខ្សែប្រយុទ្ធវ័យក្មេង សៀង ចន្ធា ដែលបង្ហាញខ្លួនក្នុងជម្រើស១១នាក់ដំបូង ត្រូវបានផ្លាស់ប្ដូរចេញនៅក្នុងវគ្គទី១ ដោយសារតែបញ្ហារបួស និងជំនួសមកវិញដោយមិត្តរួមក្រុម ឱ ភារុណ។ 

គួរឲ្យដឹងដែរថា មុនឡើងមកជួបគ្នាក្នុងវគ្គផ្ដាច់ព្រ័ត្រនេះ បឹងកេត បានយកឈ្នះ FA Penang ក្នុងលទ្ធផល ៣ទល់នឹង២ ខណៈ Felda United បានយកឈ្នះក្រុមម្ចាស់ផ្ទះ PSMS Medan៕ 

ចង់ឃើញថា ការប្រកួតវគ្គផ្ដាច់ព្រ័ត្ររវាងបឹងកេត និង Felda United យ៉ាងណានោះ ទៅទស្សនាវីដេអូខាងក្រោមទាំងអស់គ្នា៖