ពាក់កណ្តាល ៥០ទៅហើយ តើអ្នកគួរគិតលើរឿងអ្វីខ្លះ?

ចំណុចទាំង ៩នេះ អ្នកគួរតែចាប់ផ្តើមធ្វើ៖

១. បែរមកគិតពីសុខភាពផ្លូវចិត្ត

ខណៈពេលសុខភាពផ្លូវកាយរបស់យើងសំខាន់ ការផ្តល់ពេលវេលាសម្រាប់សុខភាពផ្លូវចិត្ត និងអារម្មណ៏គឺជារឿងមិនអាចភ្លេចបាន។ ធ្វើអ្វីឲ្យខ្លួនឯងសប្បាយចិត្ត ហើយត្រេូវចេះមើលថែខ្លួនឯងឲ្យបានល្អ។ ដូចគ្នាធ្វើជាមួយសមាជិកគ្រួសារ ឬមិត្តសម្លាញ់របស់អ្នក ពួកគេអាចនឹងកំពុងត្រូវការអ្នកដើម្បីប្រឹក្សាយោបល់នានា ហើយអ្នកគួរតែមានវត្តមានសម្រាប់ពួកគេផងដែរ។ 

២. ឈោងចាប់ក្តីស្រមៃរបស់អ្នក 

កុំគាំងនៅមួយកន្លែង នេះជាពេលដែលយើងគួរសាកល្បងគ្រប់វិស័យដើម្បីដឹងថា យើងចូលចិត្តធ្វើអ្វីឲ្យប្រាកដ។ យើងអាចនឹងបរាជ័យម្តងជាពីដងដែលជារឿងធម្មតា ព្រោះវាជាបទបិសោធន៏នៃដំណើរជីវិត។ សាកល្បងធ្វើអ្វីដែលអ្នកមិនចូលចិត្ត ពេលខ្លះវាអាចជាអ្វីដែលអ្នកធ្វើបានល្អជាងការគិតរបស់អ្នកក៏ថាបាន។ 

៣. ដើរឲ្យបានច្រើន ដែលពេលខ្លះសាកដើរម្នាក់ឯង

ដំណើរកំសាន្តមួយៗតែងឲ្យយើងប្រទះនឹងរឿងដែលយើងមិនរំពឹងទុក។ ធ្វើការ សន្សំលុយ ហើយសាកហោះទៅប្រទេសជិតខាង ទៅកន្លែងប្លែកៗ ជួបមនុស្សថ្មីៗ ពេលនោះអ្នកនឹងអាចឈ្វេងយល់ពីខ្លួនឯងបានមួយកម្រិតទៀត។ 

៤. ផ្តល់ពេលវេលាឲ្យមិត្តរបស់អ្នក

កាន់តែធំកាន់តែរវល់ ព្រោះមានរឿងជាច្រើនចាប់ផ្តើមចូលមកក្នុងវ័យនេះ តែកុំភ្លេចបង្កើតពេលវេលាសម្រាប់មិត្តភក្តិស្និតស្នាលបំផុតរបស់អ្នក ពីព្រោះពួកគេគឺជាអ្នកដែលនៅក្បែរអ្នក ទោះក្នុងស្ថានភាពណា តាំងពីមិនទាន់មានគ្រួសារ ឬពេលដែលមានកូនចៅហើយក្តី។ 

៦. រស់នៅដោយខ្លួនឯង

គ្មានអ្វីឯករាជ្យជាងរៀនរស់ដោយខ្លួនឯងឡើយ វាអាចនឹងពិបាកបន្តិចលើកដំបូង តែអ្នកនឹងចេះរស់នៅដោយខ្លួនឯងទាំងវ័យក្មេងដូច admin ផងដែរ។ អ្នកនឹងដឹងពីរបៀបគ្រប់គ្រងថវិកា ចេះមើលថែខ្លួនឯងពេលលេញ។

៧. ស្រលាញ់ខ្លួនឯង ហើយក្លាយខ្លួនជាមនុស្សដែលគួរឲ្យស្រលាញ់

ទាន់ខ្លួននៅក្មេង មើលថែខ្លួនឯងអោយល្អ ទោះជាការហាត់ប្រាណ ថែរក្សាសម្រស់ ឬជ្រើសរើសមុខម្ហូបញ៉ាំក្តី សុទ្ធសឹងជាអ្វីដែលគួរយកចិត្តទុកដាក់។ ពេលដែលអ្នកខិតចូលអាយុ៤០ប្លាយហើយនោះ គិតថាវានឹងពិបាកក្នុងការធ្វើរឿងទាំងនេះ ជាងដែលអ្នកនៅក្នុងវ័យនេះទៅទៀត។ ចូរស្រលាញខ្លួនឯងឲ្យបានច្រើន ព្រោះអ្នកដទៃនឹងចូលមកតាមក្រោយ។

៧. ទិញរបស់ពិសេសឲ្យខ្លួនឯង

ស្ទើរ៩០%ទៅហើយដែលអ្នកគួរចំណាយទៅលើសកម្មភាពនានា ក៏ប៉ុន្តែម្តងម្កាលអ្នកគួរសន្សំលុយនោះទុក ដើម្បីទិញរបស់ដែលអ្នកប្រាថ្នាចង់បានតាំងពីអ្នកនៅថ្នាក់វិទ្យាល័យ។ វានឹងធ្វើឲ្យអ្នករំភើបចិត្តបំផុតពេលបានកាន់របស់ដែលខ្លួនស្រលាញ់។ តែករណីនេះគួរធ្វើទៅបាន ពេលដែលអ្នកមានលុយចំណាយដោយខ្លួនឯង។

៨. កុំស្ទាក់ស្ទើរក្នុងការស្នើរសុំអ្វីមួយ

គ្រប់ពេលក្នុងជីវិតរបស់អ្នក កុំខ្លាចក្នុងការសួរ ឬសុំរបស់អ្វីដែលអ្នកចង់បាន ទោះបីនៅកន្លែងការងារក្តី។ ឧទាហរណ៍ អ្នកចង់ឲ្យមានការដំឡើងប្រាក់ខែ ឬធ្វើការសម្រេចចិត្តលើរឿងអ្វីមួយជាមួយដៃគូរជីវិត អ្នកមានជម្រើសក្នុងការធ្វើឲ្យមានការផ្លាស់ប្តូរ។ ដូចប្រយោគមួយបានលើកថា "បើមិនសុំ ធ្វើម្តេចនឹងបានរបស់។

9. ញ៉ាំអ្វីដែលខ្លួនចូលចិត្ត

ពិតហើយដែលអ្នកត្រូវជ្រើសរើសអាហារឲ្យត្រឹមត្រូវ ប៉ុន្តែអ្នកក៏គួរញ៉ាំរបស់ឆ្ញាញ់ៗដូចជា សាកល្បងម្ហូបពីប្រទេសផ្សេងៗដែលអ្នកមិនសូវញ៉ាំ ឬរៀនធ្វើម្ហូបប្លែកៗសម្រាប់ខ្លួនឯង។ ឳជារសអាហារអាចធ្វើឲ្យអ្នកសប្បាយចិត្ត ហើយរីករាយពេលអ្នកបានធ្វើដោយផ្ទាល់ដៃ។ 

ប្រភព៖ www.huffpost.com