អាមេរិក៖ ពូជឆ្កែ Golden Retriever ​​​មួយក្បាលឈ្មោះថា Riptide បាននឹងកំពុងទាក់ទាញការចាប់អារម្មណ៍ពីសំណាក់មហាជនអ្នកប្រើប្រាស់បណ្ដាញសង្គមជាច្រើន ក្រោយផ្ទុះឃ្លីបវីដេអូមួយដែលម្ចាស់របស់វាបានថត នៅពេលដែលវាកំពុងហាត់ប្រាណជាមួយនឹងមនុស្ស។

ឃ្លីបវីដេអូខ្លី ដ៏គួរឲ្យអស់សំណើចមួយដែលបង្ហាញពីសកម្មភាពរបស់ឆ្កែដ៏គួរឲ្យស្រលាញ់មួយក្បាល ពេលវាកំពុងធ្វើលំហាត់ប្រាណជាមួយនឹងអ្នកចែវទូកនារីមួយក្រុម របស់សកលវិទ្យាល័យស្ទែនហ្វដ នៅរដ្ឋ California សហរដ្ឋអាមេរិក ដែលមានគ្នាប្រហែល ២០ នាក់។

ក្នុងឃ្លីមួយនេះ ឆ្កែ Riptide ហាក់បីដូចជាកំពុងធ្វើត្រាប់តាមហ្វូងមនុស្សទាំងអស់នោះអីចឹង ដែលពួកគេកំពុងធ្វើលំហាត់ប្រាណ ដោយអម​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ជាមួយនឹងការចាក់បទចម្រៀងមួយបទរបស់ Beyoncé ។​​​​​​​​​​​​​​​​​​​​​​​​​ Riptide បានផ្ដេកខ្នងរបស់វាទៅនឹងការ៉ូ កន្ទុយរបស់វាបក់រវិចៗ ហើយជើងក្រោយរបស់វាទាំងពីរលើកឡើងលើព្រមទាំងធ្វើចលនាដូចមនុស្សជិះកង់។ ពោលគឺ ដូចទៅនឹងអ្នកដែលកំពុងហាត់ប្រាណជុំគ្នានៅទីនោះអីចឹងដែរ។ ក្រោយឃើញដូចនេះ គ្រូបង្ហាត់ប្រាណម្នាក់នៅទីនោះ មិនអាចទប់សំណើចជាមួយនឹងកាយវិការបែបកំប្លែងរបស់ Riptide បានឡើយ។ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

គួរឲ្យដឹងផងដែរថា ក្រោយពីឃ្លីបវីដេអូខាងលើនេះ ​​​​​​​​​​​​​​​​​បានបង្ហោះចែកចាយចូលទៅក្នុងបណ្ដាញសង្គម Twitter រួចមក ក៏ស្រាប់តែមានអ្នកប្រើប្រាស់បណ្ដាញសង្គមជាច្រើនបានចូលរួមសម្ដែងមតិបែបកំប្លែងៗ និងបង្ហាញការចូលចិត្ត ព្រមទាំងបានចែករំលែកតៗគ្នា យ៉ាងព្រោងព្រាតទៀតផង៕

សូមទស្សនារូបភាព និងវីដេអូខាងក្រោម៖

Riptide កំពុងធ្វើត្រាប់ហាត់ប្រាណតាមមនុស្ស
Riptide កំពុងធ្វើត្រាប់ហាត់ប្រាណតាមមនុស្ស
Riptide នៅជាមួយក្រុមចែវទូកនារី
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ