ចន្ធា និង CV11 ក្នុងជម្រើសដំបូង! ចាន់ វឌ្ឍនាកា ស៊ុតជួយ បឹងកេត ឡើងវគ្គផ្ដាច់ព្រ័ត្រនៅឥណ្ឌូនេស៊ី (មានវីដេអូ)

ឥណ្ឌូនេស៊ី៖ ក្លិបបាល់ទាត់បឹងកេត បានឡើងទៅកាន់វគ្គផ្ដាច់ព្រ័ត្រពានរង្វាន់មិត្តភាពអន្តរជាតិ EDY RAHMAYADI CUP 2020 ដែលឡើងធ្វើនៅប្រទេសឥណ្ឌូនេស៊ី ក្រោយយកឈ្នះក្រុមមកពីប្រទេសម៉ាឡេស៊ី FA Penang ដោយលទ្ធផល ៣ទល់នឹង២ កាលពីម្សិលមិញ។

៣គ្រាប់របស់ក្រុមលោក Apisit Im Amphai  រកបានដោយកីឡាករ៣រូបផ្សេងៗគ្នាក្នុងម្នាក់មួយគ្រាប់រួមមាន Mizuno, ចាន់ វឌ្ឍានាកា និង Masato។

នៅក្នុងការប្រកួតកាលពីម្សិលមិញ គេក៏ឃើញមានការបង្ហាញខ្លួនក្នុងជម្រើសដំបូងរបស់កីឡាករខ្សែប្រយុទ្ធវ័យក្មេង សៀង ចន្ធា ឲ្យបឹងកេតផងដែរ ដោយចាប់ដៃគូជាមួយសិស្សច្បង ចាន់ វឌ្ឍនាកា និង ម៉ាត់ ណូរុន នៅតំបន់ប្រយុទ្ធ។

គួរឲ្យដឹងដែរថា សម្រាប់ដៃគូរបស់បឹងកេតនៅវគ្គផ្ដាច់ព្រ័ត្ររបស់បឹងកេត នៅមិនទាន់រកឃើញនៅឡើយ ដោយរង់ចាំក្រុមដែលឈ្នះនៃការប្រកួតរវាង PSMS Medan (ឥណ្ឌូនេស៊ី) និង Felda United (ម៉ាឡេស៊ី)៕

ចង់ឃើញថា គ្រាប់បាល់ទាំង៣គ្រាប់របស់ បឹងកេត កើតឡើងយ៉ាងណានោះ ទៅទស្សនាវីដេអូខាងក្រោមទាំងអស់គ្នា៖

រូបភាព និងវីដេអូ៖ Boeung Ket Football Club