ថៃ៖ ព្រៃឈើនៅផ្នែកខ្លះនៃឧទ្យានជាតិ Khao Yai ដែលត្រូវបានភ្លើងឆាបឆេះចាប់តាំងពីដើមខែនេះត្រូវបានគេរាយការណ៍ថាត្រូវក្រុមការងារពន្លត់បានជាស្ថាពរហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមការរាយការណ៍ដំបូងអំពីភ្លើងឆេះព្រៃគឺចាប់ផ្ដើមនៅថ្ងៃទី ០៥ ខែមករា ដោយមន្ត្រីឧទ្យានជាតិ ហើយភ្លើងបានចាប់ផ្ដើមឆេះនៅក្នុងតំបន់ Khao Siad-a, Khao Ang Hin និងតំបន់អភិរក្សព្រៃ Khao Nok Yung ដែលនៅក្បែរ Ban Nong Yang នៃស្រុក Pak Chong។ ក្រុមមន្ត្រីឧទ្យានជាតិទាំងនោះ ជឿថាការឆាបឆេះនេះបានចាប់ផ្តើមប្រហែលប្រាំថ្ងៃមុន។
ក្រុមអ្នកជួយសង្គ្រោះត្រូវបានគេហៅមកពីស្ថានីយ៍ជាច្រើននៅក្នុងឧទ្យានជាតិ ដើម្បីជួយពន្លត់អគ្គិភ័យនេះ។
បើយោងតាមរបាយការណ៍របស់ប្រព័ន្ធផ្សព្វផ្សាយក្នុងស្រុកមួយ បានអោយដឹងថាអណ្តាតភ្លើងចុងក្រោយត្រូវបានពន្លត់នៅពេលថ្ងៃត្រង់ កាលពីថ្ងៃច័ន្ទ ទី១៣ មករា ឆ្នាំ២០២០។ ហើយការស៊ើបអង្កេតកំពុងចាប់ផ្តើមរកមូលហេតុនៃអគ្គីភ័យនេះ។