នៅចាំបានថា កាលពីប្រមាណជា៣ឆ្នាំមុនក្នុងព្រឹត្តិការណ៍ការប្រកួតបាល់ទាត់កម្រិតតំបន់ AFF Suzuki Cup 2016 បើទោះបីជាកម្ពុជាធ្លាក់ត្រឹមវគ្គចែកពូល ប៉ុន្តែក៏មានគ្រាប់បាល់មួយរបស់កម្ពុជាជាប់ជាគ្រាប់បាល់ដែលល្អបំផុតប្រចាំព្រឹត្តិការណ៍នោះផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគ្រាប់បាល់នោះគឺធ្វើបានសម្រេចដោយកីឡាករខ្សែបម្រើ ច្រឹង ពលរដ្ឋ ក្នុងការប្រកួតបិទបញ្ចប់ពូល B កាលពីថ្ងៃទី២៦ ខែវិច្ឆិកា ឆ្នាំ២០១៦ ជាមួយជើងខ្លាំងវៀតណាម ដោយពេលនោះអតីតកីឡាកររបស់ក្រសួងការពារជាតិ បានស៊ុតមួយជើងស្ដាំពីចម្ងាយប្រមាណជា៣០ម៉ែត្រចូលទីយ៉ាងល្អ។ យ៉ាងណាមិញ ក្រុមកម្ពុជាក្រោមការដឹកនាំរបស់លោក Lee Tae-hoon នៅពេលនោះបានប្រកួតចាញ់វៀតណាម ១ទល់នឹង២ និងធ្លាក់ត្រឹមវគ្គចែកពូល។
គួរឲ្យដឹងដែរថា នៅរដូវកាលថ្មី២០២០ខាងមុខ ច្រឹង ពលរដ្ឋ បានផ្លាស់ពីក្លិបក្រសួងការពារជាតិមកចូលរួមជាមួយវិសាខា ខណៈពេលនេះគេកំពុងមានវត្តមាននៅប្រទេសថៃដើម្បីចូលរួមការប្រកួតត្រៀមរដូវកាលថ្មី (Pre-Season) ជាមួយមិត្តរួមក្រុមថ្មី៕
ចង់ឃើញថា គ្រាប់បាល់ដ៏អស្ចារ្យរបស់ ច្រឹង ពលរដ្ឋ នៅ AFF Suzuki Cup 2016 ល្អយ៉ាងណានោះ ទៅទស្សនាវីដេអូខាងក្រោមទាំងអស់គ្នា៖