ប្រាសាក់ អបអរខួប ២៥ ឆ្នាំ ដោយបន្តដំឡើងអត្រាការប្រាក់បញ្ញើសន្សំ ៨% ជូនគ្រប់អតិថិជន!

«ដើម្បីអបអរខួប ២៥ ឆ្នាំ នៃការបម្រើសេវាហិរញ្ញវត្ថុរបស់ ប្រាសាក់ និងផ្តល់ជាកាដូឆ្នាំថ្មី ឆ្នាំ ២០២០ ប្រាសាក់ បន្តដំឡើងអត្រាការប្រាក់បញ្ញើសន្សំរហូតដល់ ៨% ក្នុង ១ ឆ្នាំជូនដល់គ្រប់អតិថិជន ដែលបើកគណនីបញ្ញើមានកាលកំណត់ចាប់ពីរយៈពេល​​​ ១២ខែឡើងទៅ។ ហេតុនេះ លោក លោកស្រី នាងកញ្ញា ដែលមានសាច់ប្រាក់នៅទំនេរ អាចអញ្ជើញមកទទួលយកការផ្តល់ជូនដ៏ពិសេសនេះ ជាមួយនឹងការបន្ថែមអត្រាការប្រាក់ ០.២៥% សម្រាប់ប្រាក់រៀល និងប្រាក់ដុល្លារ លើអត្រាស្តង់ដារ ៧.៧៥% សម្រាប់គណនីចម្រើនការប្រាក់ចុងគ្រា និង ៧.៥០% សម្រាប់គណនីចម្រើនការប្រាក់ប្រចាំខែ»។

«អតិថិជនមានជម្រើសច្រើន សម្រាប់រយៈពេលនៃការដាក់ប្រាក់បញ្ញើសន្សំមានកាលកំណត់ គឺអាចសន្សំចាប់ពី ១ខែ ២ខែ រហូត ៦០ខែ ផ្អែកតាមលំហូរសាច់ប្រាក់ ឬតម្រូវការសាច់ប្រាក់របស់អតិថិជនម្នាក់ៗ។ ហើយអ្វីដែលកាន់តែប្រសើរនោះគឺ អតិថិជនអាចដកការប្រាក់ប្រចាំខែក៏បាន ប្រសិនបើអតិថិជនត្រូវការយកការប្រាក់ដែលទទួលបានជារៀងរាល់ខែ សម្រាប់ចាត់ចែងការចាយវាយរបស់ខ្លួនតាមខែនីមួយៗ»។

«គណនីបញ្ញើមានកាលកំណត់របស់ ប្រាសាក់ មិនត្រឹមតែផ្ដល់អត្រាការប្រាក់ខ្ពស់ប៉ុណ្ណោះទេ  ប៉ុន្តែថែមទាំងទទួលបាននូវសុវត្ថិភាពខ្ពស់ លើកទឹកចិត្តឱ្យប្រជាជនចេះចាត់ចែងសាច់ប្រាក់ ឱ្យកាន់តែមានប្រសិទ្ធភាពជាអតិបរមា ជាការបម្រុងទុកសាច់ប្រាក់សម្រាប់ប្រើប្រាស់ក្នុងភាពបន្ទាន់ ព្រមទាំងចូលរួមចំណែកជំរុញកំណើនសេដ្ឋកិច្ចជាតិ តាមរយៈការផ្តល់ជាប្រភពទុនដល់ប្រជាជន ឬអាជីវកម្មដែលខ្វះខាតទុនបង្វិលជាដើម»។