អឺរ៉ុប៖ ក្លិបបាល់ទាត់ហង្សក្រហម Liverpool ត្រូវបានគេដឹងថាកំពុងតែមានទំនាក់ទំនងជាមួយក្លិបអាល្លឺម៉ង់ Bayer Leverkusen ក្នុងការនាំយកកីឡាករខ្សែបម្រើ Kai Havertz មកកាន់កីឡដ្ឋាន Anfield។ ក្រោយបង្ហាញទម្រង់បានយ៉ាងល្អត្រឹមវ័យ២០ឆ្នាំ Havertz បានក្លាយជាគោលដៅយ៉ាងសំខាន់របស់បណ្ដាក្លិបធំៗនៅអឺរ៉ុប។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សMancehster United, Bayern Munich, Barcelona និង Real Madrid សុទ្ធសឹងតែបានដាក់ចាប់អារម្មណ៍មកលើកីឡាកររូបនេះ។ យ៉ាងណាមិញ បើតាមសេចក្ដីរាយការណ៍ពីក្នុងប្រទេសអេស្ប៉ាញ Liverpool បានជួបពិភាក្សារួចរាល់ជាមួយអ្នកតំណាងរបស់កីឡាករជម្រើសជាតិអាល្លឺម៉ង់រូបនេះ។
ប្រភពដដែលបានបន្តឲ្យដឹងទៀតថា ក្រុមរបស់អ្នកចាត់ការទូទៅសញ្ជាតិអាល្លឺម៉ង់លោក Jurgen Klopp ទំនងអាចនឹងចំណាយប្រាក់ប្រមាណជា ១៤០លានដុល្លារសហរដ្ឋអាមេរិក ដើម្បីទិញផ្ដាច់កុងត្រារបស់ខ្សែបម្រើវ័យក្មេងម្នាក់នេះ។
គួរឲ្យដឹងដែរថា នៅរដូវកាលនេះ Havertz ចូលលេងឲ្យ Leverkusen បានចំនួន ២១ប្រកួត រកគ្រាប់បាល់បាន ៣គ្រាប់ និងបញ្ជូនបាល់ឲ្យមិត្តរួមក្រុមសម្រេចទី (Assists) បានចំនួន១លើក ក្នុងនាមជាខ្សែបម្រើ៕
ប្រភព៖ SportsMole