ឥណ្ឌូនេស៊ី៖ កាលពីម្សិលមិញនេះ Hashtag ពាក្យថា «#JennieDeservesBetter» ត្រូវបានអ្នកគាំទ្រស៊ែរបន្តចែកចាយល្បីពាសពេញបណ្តាញទំនាក់ទំនងសង្គម ជុំវិញពិភពលោក ដោយបណ្តាអ្នកគាំទ្ររបស់ក្រុម BLACKPINK បានប្រកាសស្វែងរកយុត្តិធម៌ ឲ្យតារាចម្រៀងស្រី Jennie បន្ទាប់ពីនាងត្រូវបានបណ្តាញក្រុម ពួកHater ធ្វើការ Comment ជេរនិងរិះគន់មកលើរូបនាង នៅអំឡុងពេលផ្សាយផ្ទាល់កម្មវិធីមួយ នៅឯប្រទេស ឥណ្ឌូនេស៊ី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង តាមរយៈវីដេអូដែលត្រូវបានចែកចាយនៅលើអ៊ីនធើណែតនោះ បានឲ្យឃើញថា ក្នុងអំឡុងពេលផ្សាយផ្ទាល់ Jennie នាងហាក់បីដូចជាមានភាពស្ងប់ស្ងាត់ មិនសូវជាញញឹមនិងសូវជានិយាយស្តីច្រើននោះទេ ជាពិសេសគឺនៅពេលដែលពិធីករអនុញ្ញាតិឲ្យ សមាជិកក្រុម BLACKPINK ទាំងអស់ អានComment មតិយោបល់របស់អ្នកគាំទ្រដែលកំពុងទស្សនាការ Liveនោះ ស្រាប់តែគេចាប់អារម្មណ៍ឃើញថា ទឹកមុខរបស់ Jennie កាន់តែមានភាពក្រៀមក្រំខ្លាំង បន្ទាប់ពីឃើញការComment រិះគន់ជាច្រើនមកកាន់រូបនាង។
ប៉ុន្តែមិនថាយ៉ាងណា ក្រោយឃើញទឹកមុខJennie មិនសូវស្រួល សមាជិកម្នាក់របស់ BLACKPINK នោះគឺ Rosé ក៏បានអានរបស់អ្នកគាំទ្រម្នាក់ឮៗដើម្បីលើកទឹកចិត្តដល់ Jennie ដោយបាននិយាយថា «Jennie I Love You» ហើយភ្លាមៗនោះក្រោយពីឮបែបនេះ Jennie ក៏បានឆ្លើយតបទៅកាន់ Rosé វិញថា «I Love You Too» ជាមួយនឹងទឹកមុខញញឹមញញែមជាថ្មីឡើងវិញផងដែរ។
ដោយឡែកទោះជាយ៉ាងណា អ្នកគាំទ្រជាច្រើនក៏បាននាំគ្នាចូលទៅ Comment លើកទឹកចិត្តចំពោះ Jennie និងកុំឲ្យនាងគិតច្រើន និងមិនគួរខ្វាយខ្វល់ពីសម្តីរបស់ពួក Hater ផងដែរ៕