អត់សូវឃើញពាក់ស្បែកជើងកែង តាមពិត ខ្លឹម ស្រីគា ទើបតែបាក់ឆ្អឹងកូនជើងហើយ ដោយសារតែ...!

ភ្នំពេញ៖ តារាស្រី ខ្លឹម ស្រីគា ដែលគេស្គាល់ថាជា អតីតបវរកញ្ញា Miss Grand Cambodia ឆ្នាំ ២០១៩ កាលពីថ្មីៗនេះ នាងបានជួបនូវហេតុការណ៍គ្រោះថ្នាក់មួយ ដែលបានធ្វើឲ្យនាងមានការសោកស្តាយយ៉ាងខ្លាំង។

នេះបើយោងតាមការបង្ហោះរបស់ តារាស្រីសម្បូរមាឌរូបនេះ បានឲ្យដឹងថា កាលពីប៉ុន្មានថ្ងៃមុននេះ នាងបានជួបនូវគ្រោះថ្នាក់ដ៏ចៃដន្យមួយ ដោយកៀបជើងជាមួយនឹងទ្វាររថយន្ត រហូតបណ្តាលឲ្យនាង បាក់ឆ្អឹងកូនជើងតែម្តង។

យ៉ាងណាមិញ រឿងនេះបើនិយាយពីអ្នកសិល្បៈ ដូចជា ខ្លឹម ស្រីគា វិញគឺជាបញ្ហាមួយដែលប៉ះពាល់យ៉ាងខ្លាំង មិនត្រឹមតែបញ្ហាកូនជើងរបស់នាងនោះទេ ប៉ុន្តែថែមទាំងបង្កឲ្យមានឧបសគ្គក្នុងការងារសិល្បៈ ដែលនាងត្រូវតែចាំបាច់ពាក់ស្បែកជើងកែង ជារៀងរាល់ថ្ងៃថែមទៀតផងផងដែរ។

ប៉ុន្តែទោះជាយ៉ាងណា បច្ចុប្បន្ននេះ ខ្លឹម ស្រីគា កំពុងខិតខំមើលថែរបួសនេះ ឲ្យឆាប់ជាសះស្បើយ ហើយនាងក៏ត្រូវបង្ខំចិត្តត្រូវផ្អាកឈប់ពាក់ស្បែកជើងកែវមួយរយៈពេលធំផងដែរ ពោលគឺបច្ចុប្បន្ននេះ ខ្លឹម ស្រីគា អាចបានត្រឹមតែពាក់បានស្បែកជើងរាបស្មើធម្មតាតែប៉ុណ្ណោះ៕