អ៊ីតាលី៖ ក្លិបបិសាចក្រហម Manchester United ត្រូវបានគេរាយការណ៍មកថាបានយល់ព្រមទៅលើតម្លៃជាមួយ Napoli ក្នុងការនាំយកកីឡាករខ្សែការពារ Kalidou Koulibaly។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រោយបង្ហាញទម្រង់លេងបានយ៉ាងល្អឲ្យក្លិបយក្សអ៊ីតាលី Napoli ខ្សែការពារ Koulibaly កំពុងតែស្ថិតនៅតាមការប្រមាញ់ដើម្បីនាំយកមកកាន់កីឡដ្ឋាន Old Trafford តាំងពីទីផ្សាររដូវក្ដៅលើកមុន។ ក្រោយមានភាពស្រពិចស្រពិលចំពោះអនាគតរបស់កីឡាករជម្រើសជាតិសេនេហ្គាល់រូបនេះ Napoli បានបើកភ្លើងខៀវទទួលយកសំណើពីក្លិបណាមួយដែលចង់បានខ្សែការពារកណ្ដាលរបស់ខ្លួននៅកំឡុងឆ្នាំ២០២០នេះ។
បើតាមអ្នកកាសែតកីឡាសញ្ជាតិអ៊ីតាលីលោក Fabio Santini បានឲ្យដឹងថា Man UTD បានជូនដំណឹងទៅដល់ Napoli រួចហើយថានឹងចំណាយប្រាក់ ៦៤លានផោនដើម្បីនាំយកកីឡាករវ័យ២៨ឆ្នាំ Koulibaly មកកាន់ក្របខណ្ឌ Premier League។ ថ្លែងប្រាប់កាសែត II Porcesso លោក Santini បាននិយាយថា៖
គួរឲ្យដឹងដែរថា Napoli បានចំណាយប្រាក់ត្រឹមតែ ៨លានផោនប៉ុណ្ណោះក្នុងការទិញយកខ្សែការពារមានដើមកំណើតនៅក្នុងប្រទេសបារាំងពីក្លិប Genk កាលពីទីផ្សារដោះដូរកីឡាកររដូវក្ដៅឆ្នាំ២០១៤៕
ប្រភព៖ SportsMole