ជប៉ុន៖ តារាម៉ូដែលនាង Kato Sari វ័យ២៩ឆ្នាំ កំពុងរងការរិះគន់យ៉ាងខ្លាំងពេញបណ្ដាញសង្គមក្នុងប្រទេសជប៉ុន បន្ទាប់ពីនាងបង្ហោះវីដេអូទៅលើយូធូបប្រកាសថា នាងបានលែងលះប្ដីដែលជាអ្នកគ្រប់គ្រងក្រុមហ៊ុនអចលនទ្រព្យហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនាង Kato Sari បានចាប់ផ្ដើមមានទំនាក់ទំនងស្នេហាក្នុងខែឧសភា ឆ្នាំ២០១៩ និងសម្រេចចិត្តរៀបការក្នុងខែកញ្ញា ឆ្នាំ២០១៩។ កំឡុងពេលទាក់ទងគ្នាបីខែដំបូង នាងបានចំណាយប្រាក់អស់ចំនួន១០០លានយេនរបស់ប្ដី (ប្រមាណ៩សែនដុល្លារអាមេរិក) ទៅលើកាបូប សម្លៀកបំពាក់ ឡាន និងសម្ភារទំនើបៗជាច្រើនទៀត។ បន្ទាប់ពីរៀបការជាមួយគ្នាមិនបានប៉ុន្មានខែផង បុរសជាប្ដីបានសុំឲ្យនាងបញ្ឈប់ការទិញអីវ៉ាន់ ព្រោះតែគាត់មិនមានប្រាក់ច្រើនដូចមុន និងក្រុមហ៊ុនជួបបញ្ហាផ្នែកហិរញ្ញវត្ថុ។ នេះគឺជាមូលហេតុដែលធ្វើឲ្យនាងខឹងយ៉ាងខ្លាំង និងសម្រេចចិត្តលែងលះ ហើយម៉្យាងវិញទៀត នាងក៏មិនចាប់អារម្មណ៍ទៅលើបុរសគ្មានប្រាក់ដែរ។
នាង Kato Sari ក៏បាននិយាយដែរថា រាល់ការចាយវាយទាំងអស់គឺជាការដោះដូរជាមួយការខំអត់ធ្មត់ពរពោះ និងសម្រាលកូន។
យ៉ាងណាមិញ កាលពីថ្មីៗនេះ នាង Kato Sari បានបង្ហោះរូបភាពជាមួយនឹងបុរសម្នាក់ទៅលើបណ្ដាញសង្គមអុីនស្តាក្រាម ហើយនេះក៏បញ្ជាក់ឲ្យដឹងថា នាងបានលែងលះដាច់ស្រេចជាមួយនឹងប្ដីរួចរាល់ហើយ៕
សូមទស្សនារូបភាពខាងក្រោម៖