ក្នុងអំឡុងពេលមករដូវរាងកាយរបស់អ្នកកំពុងមានការបាត់បង់ឈាម និងអស់កម្លាំង  ដូច្នេះអ្នកគួរតែញ៉ាំអាហារដែលសំបូរទៅដោយសារធាតុចិញ្ចឹមដែលល្អសម្រាប់សុខភាព ដូចជាអាហារដែលមានវីតាមីន ប្រូតេអ៊ីន ទឹក និងជាតិសរសៃ។ ហើយអ្នកត្រូវដឹងថាអាហារប្រភេទណាដែលមិនគួរបរិភោគអំឡុងពេលមករដូវផងដែរ។

 នេះជាអាហារដែលអ្នកគួរចៀសវាងក្នុងអំឡុងពេលមករដូវ៖

១. អាហារមានជាតិហឹរ

អ្នកគួរតែចៀសវាងអាហារមានជាតិហឹរក្នុងពេលអ្នកមករដូវ ព្រោះវាធ្វើឲ្យអ្នកអស់កម្លាំង ហូរឈាមខ្លាំង និងរមួលក្រពើ។ អាហារអាចបណ្តាលឲ្យហើមពោះ និងមានផលប៉ះពាល់ផ្សេងទៀតផងដែរ។ ទោះបីជាអ្នកចូលចិត្តហឹរយ៉ាងណាក៏ដោយ តែអំឡុងពេលមករដូវអ្នកមិនត្រូវហូបហឹរឡើយ ព្រោះវាមានផលប៉ះពាល់ដល់សុខភាពរបស់អ្នក។

២. សុរា

អ្នកគួរតែចៀសវាងការផឹកស្រាពេលមករដូវ រយៈពេល ៥ ទៅ ៧ ថ្ងៃនៃវដ្តរដូវរបស់អ្នក ព្រោះមិនមែនជាពេលដែលត្រូវទទួលទានស្រាទេ។ ដោយសារពេលដែលអ្នកសេពគ្រឿងស្រវឹងនៅពេលមករដូវ វាអាចជាការបាត់បង់ឈាម អាចបណ្តាលឱ្យមានសម្ពាធឈាមទាប និងមានបញ្ហាកាន់តែធ្ងន់ធ្ងរផងដែរ ព្រោះជាទូទៅសុរាធ្វើឱ្យអ្នកងាយទទួលរងផលប៉ះពាល់។

៣. អំបិល

ការប្រើប្រាស់អំបិលច្រើននាំឱ្យមានការរក្សាទឹកដែលអាចបណ្តាលឱ្យហើមពោះ។ ដើម្បីកាត់បន្ថយការហើមពោះ កុំបន្ថែមអំបិលទៅក្នុងអាហាររបស់អ្នក ហើយចៀសវាងអាហារដែលកែច្នៃខ្ពស់ដែលផ្ទុកជាតិសូដ្យូមច្រើន។

៤. អាហារដែលមានជាតិស្ករខ្ពស់

អាហារដូចជាបង្អែម សូកូឡា និងអាហារផ្សេងៗទៀត អាចជួយបំពេញការឃ្លានរបស់អ្នក និងធ្វើអោយអារម្មណ៍អ្នកប្រសើរឡើង គ្រាន់តែជាការបណ្តោះអាសន្នប៉ុណ្ណោះ។ 

តែជាតិស្ករក្នុងកម្រិតមធ្យមវាមិនអីនោះទេ ប៉ុន្តែការញ៉ាំវាច្រើនពេកអាចបណ្តាលឲ្យមានបញ្ហា និងមិនល្អដល់សុខភាពនៅពេលមករដូវ និងអាចធ្វើឱ្យអារម្មណ៍អ្នកមិនល្អថែមទៀត។ ប៉ុន្តែប្រសិនបើអ្នកមានអារម្មណ៍មិនសូវល្អ ឬថប់បារម្ភអំឡុងពេលមករដូវ ការទទួលទានស្ករក៏អាចជួយអ្នកក្នុងការគ្រប់គ្រងអារម្មណ៍អ្នកបានដែរ តែត្រូវទទួលទានក្នុងកម្រិតមធ្យម។

៥. កាហ្វេ

ជាតិកាហ្វេអ៊ីនអាចបណ្តាលឱ្យមានជាតិទឹក និងហើមពោះ។ វាក៏អាចធ្វើឱ្យឈឺក្បាលកាន់តែធ្ងន់ធ្ងរផងដែរ។ ប៉ុន្តែការមិនមានជាតិកាហ្វេអ៊ីនសោះ ក៏អាចបណ្តាលឱ្យឈឺក្បាលផងដែរ ដូច្នេះកុំកាត់កាហ្វេចោលទាំងស្រុង ប្រសិនបើអ្នកធ្លាប់ញ៉ាំកាហ្វេពីរទៅបីកែវក្នុងមួយថ្ងៃនោះ តែអ្នកគួរតែកាត់បន្ថយខ្លះក្នុងអំឡុងពេលមករដូវ។

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]