អេស្ប៉ាញ៖ ក្រោយបណ្ដេញលោក Ernesto Valverde ចេញពីតំណែងជាអ្នកចាត់ការទូទៅកាលពីយប់មិញ ក្លិបអ្នកមានបុណ្យ Barcelona បានប្រកាសតែងតាំងលោក Quique Setien ជាអ្នកចាត់ការទូទៅថ្មីរបស់ខ្លួន។

លោក Quique Setien

អ្នកចាត់ការទូទៅសញ្ជាតិអេស្ប៉ាញលោក Quique Setien ធ្លាប់បានបន្សល់នូវភាពឈឺចាប់មួយសម្រាប់ក្លិបមានមូលដ្ឋាននៅតំបន់កាតាឡាន់កាលពីខែវិច្ឆិកា ឆ្នាំ២០១៨ ដោយពេលនោះលោកបានដឹកនាំ Real Betis យកឈ្នះ Barcelona នៅកីឡដ្ឋាន Camp Nou ក្នុងលទ្ធផល ៣ទល់នឹង៤។

នៅចាំបានថាក្រោយចាញ់ Alaves ក្នុងផ្ទះខ្លួនឯងកាលពីថ្ងៃទី១០ ខែកញ្ញា ឆ្នាំ២០១៦ Barcelona មិនដែលស្គាល់ពាក្យថាចាញ់ក្រោមថ្វីជើងក្រុមណាមួយទៀតនោះទេនៅក្នុងដី ពោលគឺរហូតដល់ថ្ងៃទី១១ ខែវិច្ឆិកា ឆ្នាំ២០១៨ ទើបលោក Quique Setien បានដឹកនាំ Real Betis មកយក ៣ពិន្ទុពី Barcelona ដល់ក្នុងដី។

លោក Quique Setien

ការចាញ់នៅពេលនោះបានធ្វើឲ្យ Barcelona បានបញ្ចប់កំណត់ត្រាការមិនទាន់ចាញ់ក្នុងដីរបស់ខ្លួនត្រឹម ៤២ប្រកួត និងជាគិតជារយៈពេលចំនួន ៧៩២ថ្ងៃ។

គួររម្លឹកដែរថា មុនមកកាន់តំណែងជាអ្នកចាត់ការទូទៅរបស់ Barcelona អតីតខ្សែបម្រើកណ្ដាលក្រុមជម្រើសជាតិអេស្ប៉ាញ Quique Setien ធ្លាប់ដឹកនាំក្លិបជាច្រើនដូចជា Racing Santander, Poli Ejido, Equatorial Guinea, Lonrones, Lugo, Las Palmas និងចុងក្រោយបង្អស់ Real Betis៕

ប្រភព​​​៖ All-Football

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ